GILAYONG mihatag og pamahayag si Davao City Mayor Sara Duterte-Carpio labot sa pagkaduhig niini nga alegasyong nag-endorso og usa ka online lending company.
Makita sa online lending company, PesosPh, ang hulagway ni Mayor Sara nga nagunit og usa ka papel nga dunay nakasuwat nga giingong labot sa pamaagi sa nasampit nga lending.
Apan ang maong hulagway niadto kining pagtaya ni Mayor Sara og lotto nga dunay pinakadako nga premyo niadtong miaging tuig.
"This is to alert the public about an online lending company that illegally used my photo to apparently deceive the public into believing that I am an endorser of their service," tipik sa pahayag sa mayor.
Giklaro niini nga wala siya'y koneksyon sa aktibidad sa PesosPh ug sa ubang mga online lending companies.
"I am not associated with PesosPh or other online lending companies that offer the public fast cash loans with exorbitant fees and interest," dugang sa pahayag.
Giingon sab sa mayor nga kinahanglan kanunay magbinantayon sa mga grupo ug indibiduwal nga naggamit sa iyang pangalan.
"The public is both warned and advised to be always circumspect in dealing with individuals, groups, organizations, and companies that are using my name in their business," niya pa.
Dugang pa, "I strongly recommend for the public to immediately report to the PNP or NBI fraudulent businesses or those that use my name to further their illegal activities. Thank you." Jeepy P. Compio