GMA Regional TV’s local flagship news program ‘Balitang Bisdak’ padayong naghimo og mugna nga mas gipalapdan ug gipalambo, taliwala sa iyang pag-una karon sa rating sa rehiyon base sa ulahing data gikan sa Nielsen Phils. TAM.
Karong alas 5:00 sa hapon ning adlawa, Hulyo 29, masaksihan sa mga Kapusong Bisaya ang bag-ong dagway sa set ug mas dasok sa kasayoran nga ‘Balitang Bisdak.’
Sukwahi sa naandan, ang news anchors nga gipangunahan sa multi-awarded tri-media pesonality Bobby Nalzaro uban sa award winning news correpondent Alan Domingo ug news prsenter Cecille Quibod-Castro maglingkod sa couches o sama sa sala nga naa lang balay sa televiewers.
Nagkompleto sa team uban sa Cebu ug local news stringers sa nagkalailaing dapit sa Central ug Eastern Visayas sa pagpangulo nila ni Chona Carreon, award-winning new reporter Lou Ann Mae Rondina ug Nikko Sereno.
Gawas sa set, ang mga reporter o stringer sa Balitang Bisdak giarmasan sa laing ulahing ekipo o gadgets alang sa mas sayon, paspas ug dilina hasol nga paghatod sa nakuha nga balita ngadto sa studio.
Dugang sa inobasyon, ang ‘Balitang Bisdak’ niabli sa ilang pultahan alang sa publiko nga makig-uban isip live studio audience matag Biyernes.
Si Oliver Amoroso, GMA Regional TV Vice President ug Head, nipasigarbo sa maayong tram sa Balitang Bisdak nga nag-una sa rating sa rehiyon.
Gitumbok ni Amoroso ang tulo ka mga hinungdan sa ilang kalamposan: pagtutok sa local news, komprehensibo ug lawom nga paghatod sa mga balita ug pasyon sa team sa ilang trabaho nga mahimong dekalidad ang resulta.
“While we continue to deliver consistently high ratings performance versus competition, we are not resting on our laurels...” dason ni Amoroso. (RRM)