EMOSYONAL nga mi-atubang sa Instagram Live ang misis sa PBA all-star forward Calvin Abueva nga si Sam nga miyagyag sa baho sa basketbolista.
Gamit ang daan nga IG account ni Calvin kay way kaugalingong social media account si Sam kay matod pa gidid-an siya nga mo-create.
Gisugdan sa pagsaysay sa asawa ang iyang nahi-aguman lakip na ang ilang mga anak sa kamot ni Calvin.
Basin ang sensitibo nga hisgutanan gibulgar ni Sam sa dihang gidala siya sa tambalan niadtong Hulyo 8 human gipugos siya sa pakig-sex bisan nga siya nagsabak resulta sa spotting.
“Nag-spotting ako kasi lasing siya at dinaganan niya ang tiyan ko,” yagyag ni Sam base sa taho sa ABS-CBN.
Adunay higayon nga nirespondi ang pulis sa ilang pinuy-anan sa mga higayon nga mahubog ang basketbolista ug sila maoy pahimungtan ug miabot sap unto nga milayas sila uban sa iyang mga anak sa kabalaka sa ilang seguridad.
“Hindi ko alam kung buhay pa ba kami kung hindi dumating iyong police dito.”
Matod pa sa asawa nga taod-taod siyang nagpakahilom sud sa siyam ka tuig nilang kaminyuon tungod kay dili siya buot nga maguba ang reputasyon sa iyang mister ilabi na nga daghan kini og fans.
Apan wa na siya maka-agwanta tungod kay apektado na pag-ayo ang ilang mga anak.
“Yung mga CCTV na iyon ang pananakit ni Calvin na hindi niyo masisikmura kung paano niya ako saktan at kung paano niya saktan ang mga anak naming,” dugang pa ni Sam.
Apan sa article sa Spin diin mipadayag si Calvin sa iyang habig pinaagi sa pag-create ug bag-ong IG account ang mihimakak sa maong pasangil.
“Sa mga followers ko doon sa lumang IG ko ‘wag kayong maniwala doon kasi hiwalay na po kami. Wala na po akong communication doon at siya na po ang humahawak ng old IG ko.
“Lahat ng mga nandoon is kababalaghan at walang katotohanan . . . Sa lahat ng mga fans ko na nadamay, lalo na sa family ko, at ah . . . nanggigigil ako. Sorry, sorry. Pero, actually, nakakagigil,” matod pa ni Calvin. (S)