21-anyos nga babaye ikiha og murder

KASONG murder ipasaka sa kapulisan batok sa usa ka 21 anyos nga babaye, nga giilang ‘drug queen’ sa Talisay City.

Kini human maoy usa sa gitudlong likud sa usa sa pagpusil-patay sa syudad sa Talisay sa niaging semana.

Giila kini si Divine Grace Dandan, kinsa nakuha sa closed-circuit television (CCTV) nga mao ang babaye nga nitudlo kang Jeber Jerusalem, una kini gipusil niadtong Hulyo 12, sa gawas sa usa ka Apartelle sa barangay Cansojong Talisay City.

Si Divine kinsa nasikop niadtong Hulyo 25 sa Provincial Intelligence Branch, sa Upper Linao, syudad sa Talisay, ang giila nga kanhi hinigugma sa napatay nga drug lord nga si Steve Go.

Kini usab ang gitumbok nga kapuyo sa nibanos kang Go nga si Girlie Luage, kinsa napatay niadtong Abril 29, 2019.

Nasuta nga nahimo na usab nga kapuyo ni Jerh Sigue si Dandan.

Si Sigue ang napalgang patay niadtong Hulyo 26. Nakaangkon kini og mga samad pinusilan ug gigaid sa usa ka poste sa kuryente.

Si Sigue ang giila sa mga pulis nga nipusil kang Jerusalem, ug uban pang kaso sa patay..

Sa nakuha nga impormasyon sa Talisay City Police Station, si Divine ang kanunay nga tig-abangan og lawak sa nagkadaiyng apartelle ug motel, diin giingon himuon ang mga transaksyon sa ilegal nga drugas.

Siay maong gitumbok nga usa sa responsable sa padayon nga pag-apud-apud sa drugas sa Talisay ug silingang lungsod ug syudad.

Bisan pa sa pagkasikop ni Divine, dili gihapon kampante ang Talisay police.

Dako ang pagtuo ni Police Major Orlando Carag, Jr. hepe sa kapulisan, nga adunay handler o labaw si Divine. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph