SUPERBALITA CEBU

Masyaw gikabalak-ang mosiaw

HUMAN gipasirad-an ni Presidente Rodrigo Duterte ang tanang outlet sa lotto, Swertres, Peryahan ng Bayan, Keno ug uban pa, dako ang posibilidad nga mosiaw ang ubang illegal numbers game.

Lakip niini mao ang masyaw, jueteng ug bookies nga gipangpustahan sa mga Pinoy bisan kon nag-operate pa ang Philippine Charity Sweepstakes Office (PCSO) numbers game.

Dako usab ang posibilidad nga mosiaw ang mga hantak ug tigbakay sa kabarangayan tungod kay wa na silay mapustahan.

Tungod niini, nimando si Police Regional Office (PRO) 7 Director Police Brigadier General Debold Sinas sa tanan niyang mga sakop nga monitoron ang mga illegal nga sugal.

“Karon gibantayan namo ani nga dili sila mag abri. And we have also directed akong mga pulis, akong mga COPs, mga CDs and PDs, nga mag bantay sa mga bookies because we are expecting nga mga bookies, illegal swertres mao nay mang uso karon. Kay syempre, kon imong tan-awon, murag naanad na ba ang mga tawo,” matod ni Sinas.

Dugang ni Sinas nga ang wa lang nila hilabti nga sugal ang adunay permit sa Games and Amusement Board (GAB) ug ang Philippine Amusement Gaming Corp. (Pagcor).

Nipagawas og kamandoan si PNP Chief Police General Oscar Albayalde nga di kini hilabtan human nga adunay gipangsirado sa mga pulis didto sa kaulohan nga binggohan nga gipadagan sa GAB.

Sa datos ni Sinas, 551 ka lotto outlets ang ilang napasirad-an, 3,482 ka Small Town Lottery (STL) outlet, 30 ka Keno machines ug 1,864 ka Peryahan ng Bayan lukop rehiyon.

Nagpadayon pa ang ubang probinsya sama sa Bohol ug Sugbo nga wa pa makompleto sa pag suwat ning balita.

Nadakpan

Samtang, moabot sa 23 ka mga tawo ang nasikop sa National Bureau of Investigation 7 (NBI) 7 atol sa ilang anti gambling operation niadtong miaging semana.

Ang mga dinakpan gipasakaan nag kaso sa NBI ngadto sa Provincial Prosecutors Office.

Matod ni NBI Deputy Director Dominador Cimafranca nga bisan wa pa ang mando ni Duterte, niaksyon na sila ilabi na sa illegal nga sugal.

Ang mga authorized agent sa PCSO nihangyo kanila nga dakpon ang mga nag operate sa illegal Swertres sa mga lungsod sa Consolacion ug Liloan.

Ang mga nangadakpan mao silang Maricris Taer, Mylene Banico, Annie Shiela Saberon, Crisly Guinamos, Marifel Cortes, Jane Mahusay, Evangeline Timkang, Roseminda Bantecil, Jennifer Paghinayan, Belen Ortiz, Saisel Penaranda, Jun Mark Soreno, Miralyn Santillan, Javar Bagnoran, Lezlie Donaire, Aileen Colonia, Lydia Ando, Antonette Ella Goc-ong, Roda Narvasa, Wella Picardal, Lionela Entad ug Eithel Tauto-an.

Si Manlalaban Tomas Enrile, director sa NBI 7, nagkanayon nga ilang tumanon ang mando ni Duterte paggukod niadtong nalambigit sa illegal gambling activities sa tibuok rehiyon 7. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph