SUPERBALITA CAGAYAN DE ORO

Editoryal: Damgong modatu nasumpo?

HUMAN sa kalit nga mando ni Presidente Rodrigo Duterte sa pagsuspenso sa operayon sa tanang sugal ubos sa pagtugot sa Philippine Charity Sweepstakes Office (PCSO), nagkalainlain ang gipasupot sa pulikong tigpusta sa labing dakong duwa sa tsansa sa nasod, ang lotto lakip sa swertres, small town lottery (STL), Peryahan ng Bayan, Keno, ug uban pang matang sa sugal.

Dili ikalimod nga daghang nagdamgo nga modatu pinaagi sa lotto nga minilyon ang premyo, apan dako na ang nagasto sa kadaghanang namusta ug walay timailhan sa pagdaug. Masabtan nato nga idlas ang suwerte human minilyon ang namusta ug usa lang niini ang palaran.

Ug ang mas nakapaet kon gipun-an ang kanipis sa tsansa sa pagdaug tungod sa korapsiyon ug giingong posibling pagsud sa sindidato sa PCSO, samot kaalaut ang mga kabus nga nagdaom nga maharuhay ang ilang kinabuhi.

Ug mas makaluluoy nga nosente giduso og samot sa tumang kalisod human gitilok pag-ayo ang kuwarta sa masa sa Swertes sa buntag, hapon ug gabii nga bola. Ang 6 digits draw daghan usab.Nganong gipasaghan lang kini niadto sa PCSO?

Samtang, ang bug-at nga hukom ni Duterte natukma sa paglingkod sa bag-ong pangulo sa PCSO nga si Royina Garma, retiradong poilice colonel ug kataposang nadistino sa dakbayan sa Sugbo isip direktor sa Cebu City Police Office (PCSO).

Dili layo ang posibilidad nga dako siya og impluwensiya sa mando. Dinhing bahina, makabilib kita ni Garma nga nipakita dayon og piti nga labok sa iyang sayong paghupot sa taas nga pwesto sa PCSO, sama sa dihang nangulo kanhi sa CCPO.

Hinuon, suspensiyon lang mando ni Duterte. Sama sa isla sa Boracay nga gisirad-an kanhi aron limpiyohan. Sayod kita nga dako og tabang ang PCSO sa charities ug uban pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph