KASONG murder ang gipasaka batok sa suspetsado nga nipatay sa usa ka tomboy niadtong nilabay nga napalgang gilabay sa septic tank niadtong Hulyo 27 sa Tamparong Compound, District 3.
Mag-atubang sa kasong murder si Daniel Bagobaldo, 41, residente sa maong dapit human giangkon niini nga nahinaykan si Rachel Manahan, 32, kahera sa usa ka gas station sa Gaabucayan ning siyudad.
Sa pakighinabi sa SunStar Superbalita kang PEMS Terencio Virtudazo, Police Community Relation (PCR), gibutyag nga sutaon pa ang resulta sa otopsiya sa patay nga lawas ni Manahan.
“Wala pa gyud ma established ang kasong rape. Tan-awon pa kung naay traces sa sexual intercourse. Murder ang gipasaka pa sa suspek,” matud ni Virtudazo.
Nasayran nga gi-angkon sa suspek nga iyang nahinaykan ug napatay ang biktima, apan wala kini giluwatang pahayag kung iyang gipanamastamasan ilabi na nga napalgan kining walay sapot.
Ang suspek kasamtangan nga naa na sa Maharlika Detention Cell.