Diputado: Luwas ba nga kan-on ang salad?

DUNAY balita nga nakasulod na sa Tabuan Market sa siyudad sa Sugbu ang bulad nokos nga gikan sa China.

Mismo ang pangulo sa Cebu Chamber of Commerce and Industry mikonpirmar kaniadtong Lunes nga nakakita siya sa maong klase nga bulad nokos sa Tabuan.

Unsa may buot ipasabot niini?

Buot ipasabot, duna nay kompetensiya ang mga negosyanteng Pinoy sa negosyo sa bulad nga nokos.

Buot ipasabot, duna nay kapilian ang mga mamalitay sa maong pagkaon.

Pero dunay pangutana nga naghulat og tubag.

Nagbayad ba sa hustong buhis ang maong bulad nga nokos nga gikan sa China?

Giunsa man pagpasulod ang maong bulad nokos nga nakaabot na man kini sa merkado sa Tabuan?

Unsay kalainan sa bulad nokos gikan sa China ug ang bulad nga kuha ra sa Pilipinas?

Matod pa sa pangulo sa Cebu Chamber of Commerce and Industry, medyo hunit nga kan-on ang gikan sa China.

Pasabot, lahi ra ang unod niini sa unod sa lokal nga klase sa nokos.

Pasabot sab, mas lami kan-on ang bulad nokos nga gikan ra sa Pilipinas.

Pero ang makasabot ra sa kalainan, kadto lang pirmi nagkaon sa maong pagkaon.

Sa mga panagsa ra makakaon, dili sila makakita sa diperensiya.

Mahimong mapalit nila ang maong nokos sa pagtuo nga lokal lang kini. Labi na kon di mopahibalo ang nagbaligya niini.

Ang pangutana mao kini.

Tinuod nga nokos ba kining maong klase nga bulad?

Duna bay ahensiya sa kagamhanan nga nahibalo niini aron unta pagseguro nga luwas nga kan-on ang maong pagkaon?

Pareha sa mga pagkaon nga gamiton para salad sama sa lettuce ug kamatis.

Kasagaran sa mamalitay, pillion gyod kadtong nindot ug lab-as kaayo tan awon. Seguroon gyod nga way daot o donot sa dahon.

Apan ang problema kay kadtong nindot kaayo tan-awon mao hinuon ang delikado nga kan-on kon dili mahugasan og maayo.

Ngano man?

Kay mao kini sila ang nakatilaw sa abunda kaayo nga pag-spray og mga pesticides maoy hinungdan nga wala gyod silay bisan gamay nga kadaot.

Delikado kini nga kan-on kay kasagaran sa mag-andam niini, hugasan lang ug kausa ka higayon sa tubig nga gisulod sa palangana. Deretso na dayon ang pag-gamit niini.

Mosamot pa gyod ka delikado kon himoon kining salad sanglit wala na man kini sila lutoa og gikaon lang nga hilaw.

Kon dunay pesticide nga wala makuha sa paghugas, hayan maapil kini sa pagkaon sa maong salad.

Mao kini hinungdan nga mas maayo gyod nga ang mga utanon gikan gyod sa atong kakugi og dili sa kakugi sa ubang tawo.

Mas maayo gyod kon aduna kitay kaugalingon nga garden nga atong gitamnan og mga utanon og mga lamas kay gawas nga limpiyo og luwas kining kan-on, makatabang sab kini sa pagkunhod sa kagastohan sa inadlaw nga pagkaon sa pamilya.

Unsa man gayod kaha ang hinungdan sa sunod sunod nga pamatay didto sa Negros Oriental?

Duna bay connect ang maong mga pagpamatay o wala?

Kinsa ang naghimo niini?

Unsay gihimo sa atong mga kapolisan aron masolbad na ang maong mga pagpamatay?

Makahadlok kini, dili lang sa mga nagpuyo didtong dapita kondili hasta sa mga nagplano nga mobisita sa Negros Oriental.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph