Lokal Kasikas: PhilPop Mindanao workshop gihimo sa Tagum

Singer songwriter Noel Cabangon. (Pinaambit nga hulagway)
Singer songwriter Noel Cabangon. (Pinaambit nga hulagway)



SA DAKBAYAN sa Tagum gihimo ang Philpop Bootcamp, usa ka songwriting workshop nga gikalambigitan sa nagkadaiyang music lovers dinhi.

Nagtigum ang mga partisipante sa giilang “Music Capital of the South” niadtong Hulyo 22 ngadto 25 sa Hijo Resorts Davao.

Nagtapok ang mga inilang musicians ug mentors sa industriya sa musika aron mopaambit og dugang pagtulun-an sa 23 ka Mindanaoan songwriters nga napiling moapil sa upat ka adlaw nga intensibong songwriting bootcamp, pagpalambo sa ilang musical skills ug kaalam, ug mas pagdasig kanila nga iduso ang hilig sa musika.

Ang 23 nga miapil sa workshop otomatiko nga mahimong parte sa top 300 alang sa Philpop competition sunod tuig.

Mipaambit sa ilang eksperyensiya ug kaalam ang mga dagkong ngalan sa industriya sa musika, sama nila National Artist for Music Ryan Cayabyab, singer-songwriter

Noel Cabangon ug composer Gary Granada.

Alang ni Maestro Cayabyab nga panahon na nga mangita sila og mga bag-ong musikero, tudluan sila nga mahimo sab nilang mapaambit sa uban.

Sa kabahin sab sa singer-songwriter nga si Noel Cabangon, importante nga mabutang sa kasing-kasing ang ilang ginahimo, ug gidasig ang mga partisipanteng magsuwat og kantang gamit ang lokal nga dayalekto aron mas mapadayag ang ilang gibati.

Ang unang leg sa workshop gihimo Mayo 27-30 sa Batangas.

Samtang ang Bacolod/Iloilo leg karong September 23-26, ug ang uwahing hugna sa Dagupan/Lingayen sa November 18-21. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph