AMPATUAN, Maguindanao Province -- Dumot sa pamilya ang gilantaw nga motibo sa pagpatay sa mag-uuma sa iyang silingan, alas 10:30 sa buntag, Lunes, Hulyo 29.
Giila ang biktima nga si Salahuddin Kusain alyas Jonex, 35, minyo, nagpuyo sa Purok 5, Barangay Poblacion sa maong lungsod.
Sa taho gikan sa Maguindanao Police Provincial Office, nasayran nga nahitabo ang pagpatay samtang naglakaw ang biktima sa National Highway sa Purok 2, Barangay Poblacion.
Sumala pa nga giduol siya sa iyang silingan nga giilang si Esmael Anod, gipusil siya gamit ang kalibre .45 nga pistola ug abtik nga miikyas sakay sa motorsiklo paingon sa Shariff Aguak.
Ang biktima nga naigo sa ulo ug likod nga bahin sa lawas ang namatay diha dayon.
Nasayran nga sa wala pa gipatay si Anod, nagkalis sumala pa sila sa suspek gumikan sa giingong bingkil sa ilang matag pamilya.
Imbestigasyon sa hitabo padayon nga gihikutar sa kapulisan sa Ampatuan Municipal Police Station. (Edgar E. Fuerzas)