CHISMIS nga tungod sa 'demotion' gikan sa pagka-host ngadto sa pagka-field reporter, mi-resign na daw si Alex Gonzaga sa showbiz show nga 'Juicy' sa TV 5.
Kahinumduman nga kanhing nagsolo isip host si Alex sa maong show nga taud-taud, gipa-bibo og samot ni IC Mendoza. Apan this time, mosulod na man god daw si Cristy Fermin.
Si Cristy nga kanhing usa sa mga hosts sa The Buzz ug uban pang showbiz shows sa ABS-CBN kaniadto, mao na daw ang modominar karon sa 'Juicy.' Tungod kay guot na daw ang studio kung naa pa si Alex, gikabutyag nga gipa-field ang manghud ni Toni Gonzaga.
In fairness kang Alex, nabaid gayud ang iyang hosting skill sa Juicy ug kung mohawa siya dinhi, siguradong may bala na siya bisan asa pa siya moadto.
Ang nakapait lamang, kung tinuod ang chika, mogawas nga natandog gayud ang garbo ni Alex.
Kung ang ubang stars sa lain-laing mga dagkong network, mibalhin sa TV 5 alang sa mas dakong oportunidad, si Alex, naka-ako sa pag-resign, kung true ang chika.
Apan may chika sab nga nahagpat ang Superbalita nga hatagan sa TV 5 og laing trabaho si Alex diin siya na sab daw ang bida isip usa ka host.