ORMOC City, Leyte - Liboan ka mga lottery outlets lukop Eastern Visayas o Region 8 hingpit napasirhan human sa mando ni Presidente Rodrigo Duterte.
Base sa datos sa Police Regional Office (PRO) 8, niabot sa 1,587 ka lottery outlets ang nasirhan.
Sa area sa Leyte Police Provincial Office, niabot og 132 ka lotto ug 50 ka small town lottery outlets ang nasirhan.
Sa area sa Biliran Police Provincial Office, 25 ka lotto outlets ang napasirhan.
Sa area sa Southern Leyte Police Provincial Office, 50 ka lotto ug 47 ka small town lottery outlets ang nasirhan.
Sa area sa Samar Police Provincial Office, 58 ka lotto, 67 ka small town lottery ug usa ka Keno outlet ang gitak-upan.
Sa area sa Eastern Samar Police Provincial Office, 40 ka lotto ug 25 ka small town lottery outlets ilang gi-padlock.
Sa Northern Samar Police Provincial Office, 54 ka lotto ug 859 ka small town lottery outlets ang nasirhan samtang sa area sa Tacloban City Police Office, 92 ka lotto, upat ka small town lottery ug upat ka Keno outlets ang nasirhan.
Samtang sa Ormoc City Police Office, 41 ka lotto, 37 ka small town lottery ug usa ka Keno outlet ang nasirhan.
Ang pagsirado sa mga outlet gihimo human si Presidente Rodrgio Duterte nimando nga suspensuhon ug sirhan ang mga pasugalan nga dunay permit sa gobyerno.
Kini tungod sa giingong halapad nga kurapsyon sa Philippine Charity Sweepstakes Office (PCSO).
Giklaro sa MalacaƱang nga dunay pagahimuon nga imbestigasyon sa giingong kurapsyon.
Ang PCSO namugna ubos sa Republic Act 1169.