GILUTOS karon sa militar ang mga sakop sa rebeldeng New People's Army (NPA) nga maoy suspek sa pagpabusikad sa usa ka Improvised Explosive Device (IED) nga misamad sa usa ka truck driver didto sa Purok 5, Barangay Baracata, distrito sa Toril, siyudad sa Davao niadtong Lunes.
Ang taho nga midangat sa 10th Infantry Division (ID) sa Philippine Army, nagpahibalo nga ang nasamdan mao si Gene Recta, hamtong ang pangidaron, drayber sa hauler nga giabangan sa Sumifru Banana Plantation ug nagpuyo sa Sitio Ogok, Toril.
Si Recta gitambalan sa klinika sa maong kompanya human siya nakaangkon og mga samad sa sharpnels dihang mibusika ang land mine nga gitanom sa mga rebelde.
Si 10th ID commanding officer Major General Carlos Holganza misaway sa mga rebelde sa padayon paggamit niini og IEDs ug siya naghangyo sa mga human rights nga grupo sa rehiyon nga kondenahon ang kalihukan sa mga NPA.
"Our people have been constantly at the receiving end of inhuman acts of these local terrorists. The wounding of an unarmed civilian in that bomb explosion is unacceptable in a civilized nation such as ours. We appeal to our people and all true human rights advocates in the region and the whole country to fight for the rights of our citizens who have been victimized by NPA terrorists so that they may be brought before the bar of justice," suma ni Holganza.
Gawas sa maong land mine nga gipabusikad sa mga rebelde didto sa Baracatan, suma ni Holganza, mga duha ka semana ang nakalabay gipabuthan sab ang usa ka military convoy nga miagi lang sa usa ka lugar didto sa Davao del Sur.
Si Holganza nagbutyag nga niadtong miaging tuig, duha ka mga sibilyan ang nasamdan sa duha ka managlahing pagbusikad sa land mine nga gihimo sa mga rebelde dinhi sa siyudad sa Davao, samtang usa ka molupyo lakip ang upat ka pulis ang namatay dihang mibusikad ang bomba nga gitanom sa mga rebelde didto sa Davao del Sur.
"The use of IED has been admitted by the NPA, the armed wing of the Communist Party of the Philippines as one of their tactics in waging a bloody revolution to topple the legitimate government," suma ni Holganza.
Sa laing bahin, ang militar maoy nagpahiluna sa luwas nga pagbalhin sa taas nga opisyal sa New People's Army (NPA) gikan sa military hospital sa Camp Panacan ngadto sa Davao Regional Hospital sa ala 1:45 sa hapon niadtong Martes.
Si Zaldy Canete, alyas Kumander Jinggoy, kinsa nasamdan sa nahitabong engkwentro tali sa militar usa ka bulan ang milabay gitambalan sa Camp Apolinario ug gipaniguro nga luwas ang iyang pagbalhin didto sa DRH sa siyudad sa Tagum subay
sa gahum sa court order nga gipaguwa ni Judge Hilarion Clapis sa Regional Trial Court 11.
Si 10th Infantry Division commanding officer Maj. Gen. Carlos Holganza mipadayag sa iyang kalipay sa hinanaling kaayuhan ni Kumander Jinggoy ug ang makitawhanong pag-atiman sa militar.
"We are glad that Zaldy has recovered and can now be transferred to DRH. Our soldiers' efforts to secure him and provide proper medical care has paved well for many sectors to realize that the AFP is sincere in our gesture to reach out to our misguided brothers and in extending a helping hand," suma ni Holganza. (AD)