SUPERBALITA CAGAYAN DE ORO

Super Ka! Lanao Del Norte mananaog sa Tesda Regional Skills Competition

ANG probinsya sa Lanao del Norte sigurado na nga maoy pambato sa national nga kompetisyon human nahimong mananaog sa bag-o lang natapos nga Annual Regional Skills Competition niadtong Hulyo 17 ngadto 18, nga gipasiugdahan sa Technical Education and Skills Development Authority (Tesda)-Northern Mindanao sa technical school sa Barangay Bugo ning siyudad sa Cagayan de Oro.

Ang kompetisyon gitigian sa lima ka mga probinsya sa Northern Mindanao nga mao ang Lanao del Norte, Misamis Occidental, Camiguin, Bukidnon ug Misamis Oriental.

Mokabat sa 20 ka mga medalya ug tropeyo ang giandam sa Tesda nga award alang sa mga mananaog sa skills competition nga ubos sa siyam ka trade areas sama sa cooking, restaurant services, automotive technology, electronics, electrical installation, welding, mechatronics, refrigeration and air conditioning ug it network administration.

Ang mga competitors gi-evaluate nga basi sa international standards kini agi og preparasyon sa nagkadaiyang skills competitions sama sa zonal, national ug Asean and World Skills Competitions.

“With the rapid evolution of technology and the onset of the 4th industrial revolution (4 IR), tech-vocskills are in demand, and the Regional Skills Competition is the mechanism to drum beat and increase awareness of potential TVET clientele especially the youth on this evolving occupations” kini ang pahayag ni Tesda-Northern Mindanao director, Tarhata Mapandi.

Hakot award ang probinsya sa Lanao del Norte human nakakuha og 4 gold, 1 silver ug 2 bronze medals ug trophies; gisundan sa Misamis Oriental nga dunay 4 gold medals ug trophies; ikatulo ang Bukidnon nga dunay 1 gold, 1 silver ug 2 bronze medals ug trophies; Misamis Occidental nakakuha sab og 3 silver ug 1 bronze medals ug trophies samtang ang Camiguin adunay 1 silver medal ug trophy.

Ang kalihokan gitambongan sab nila ni Misamis Oriental Governor Bambi Emano, Hon. Councilor Suzette Daba nga maoy nagrepresentar ni Mayor Oscar Moreno; Tesda-Northern Mindanao youth ambassador Angelo Carreon Mamay, mga miyembro sa Regional Technical Education and Skills Development Committee (RTESDC) ug uban pa atol sa opening ceremonies.

Sa iyang mensahe ni Emano iyang gipaabot ang dakong pasalamat sa kalihokan nga gihimo sa Tesda ug nipaabot nga mapasalamaton kini nga nahimong partner sa lalawigan ug kabahin sa kalamboan ug kalamposan sa mga batan-on sa Misamis Oriental.

Simple lang sab ang gipaabot niini ngadto sa mananaog.

“In every competition there’s a winner ug naa gyod mapilde, if you will come out a winner, dili lang kuno sobra magpasigarbo kay basin magmahay ang imong kakumpetensya pero kung ikaw pud kuno maparot if you will lose don’t lose hope kay I think this is every year that Tesda does the same tournament. You do more, study harder and perform well because who knows next year it might be your time already to represent Region 10,” matud ni Emano.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph