HEPE sa Negros Oriental Provincial Police Office (NCPPO) kasamtangan nga gipahulipan sa kampo Crame sugod kagahapon Miyerkules, Hulyo 31, nunot sa ilusad nga imbestigasyon sa nahitabong sunod-sunod nga patay sa maong probinsya sa milabayng semana.
Nakadawat og kamandoan ang hepe sa Police Regional Office (PRO 7 gikan sa kampo Crame pagpa relibo sa katungdanan ni Police Colonel Raul Tacaca isip hepe sa e (NOPPOC).
Kini nunot sa nahitabong sunod-sunod nga patay sa maong probinsya sa milabayng semana diin miabot na sa 17 nga maoy hinungdan nga molusad og imbestigasyon ang kampo crame.
Matod ni Police Brigadier General Debold Sinas, hepe sa kapulisan sa Central Visayas, nga ang kasamtangan nga mohulip kang Police Colonel Tacaca mao ang Deputy Regional Director for Operation Police Colonel Angelito Dumangeng.
Kasamtangan nga ibutang si Colonel Tacaca sa Regional Holding Admin Unit sa Police Regional Office 7 ug dako ang posibilidad nga ibalhin kini ngadto sa kampo Crame isip floating status.
Ang Directorate for Investigation and Detective Management ang magsugod na usab sa ilang inquiry sa maong insidente sa Negros gani si PNP Chief Police General Oscar Albayalde nag-umol nag fact finding board nga maoy tahasan nga mohimo sa imbestigasyon.
“Sort of board of inquiry what really happens there of the situations, mas maayo nga lang diri si Raul so that he could also defend whatever their findings.” matod ni Police Brigadier General Debold Sinas.
Gimandoan usab ni General Sinas ang tanang police sa probinsya sa Negros nga magbinantayon sa ilang kaugalingon ug hingusgan ang pag bantay sa ilang mga police station nunot sa hulga sa New People’s Army (NPA) nga mopatay na usab sila og mga police.
Lakip sa ilang sub-sub nga pagpatuman ang mga check point sa kadalanan uban ang Philippine Army aron mapugngan pagpangatake sa mga NPA.
Ang tigpamaba sa NPA sa Negros ang nipasangil sa mga police nga maoy responsabli sa mga pagpamatay sa miaging semana sa Negros Oriental.
Tungod niini, adunay pagpanimawos nga himuon ang NPA sa mga naghimo sa dugoon nga hitabo sa maong probinsya.
Wala na hinuon siya mokomento sa posibling ipaubos sa Martial law ang tibuok Negros Oriental sanglit wala siyay katungod nga moestorya labot sa maong kontrobersiyal nga hisgotanan. (AYB)