GIDAGSA sa mga taga siyudad sa Mandaue ang unang adlaw sa pagparehistro sa Commission on Elections (Comelec) ganihang buntag, Agusto 1, 2019.
Matod ni Atty. Anna Fleur Abelgas-Gujilde, election officer sa dakbayan sa Mandaue, nga mas maayo nga musayo ug parehistro aron malikayan ang taas nga linya atol na unya sa deadline sa registration.
Mupahigayon usab ang Comelec ug barangay registration matag Sabado nga magsugod sa Barangay Cubacub.
Ang barangay registration magsugod sa alas 8 sa buntag hangtod na sa alas 5 sa hapon.
Gipasalig sa COMELEC nga mahimong paspas ang pag rehistro ug muabot lang sa 20 minutos ang gidugayon sa processing.
Gipahimangnoan sad ni Gujilde ang tanan nga gusto magparehistronga magdala ug valid ID, birth certificate o kaha marriage certificate.
Ang voter's registration matapos karong Septembre 30, 2019. (ANV)