DUWA karon:
(Araneta Coliseum)
7:00 pm. - San Miguel vs. Rain or Shine
Human sa ilang kapakyasan sa Game 3, sa makausa pa, suwayawan na usab sa powerhouse San Miguel Beer paglangkat ang unang lingkuranan alang sa finals sa PBA Commissioner’s Cup karong gabii pinaagi sa pagpakigsangka sa Rain or Shine Elasto Painters sa Game 4 sa best-of-three semis sa Araneta Coliseum.
Niadtong Miyerkules, surprisang gidominar sa Elasto Painters ang inilog nga Beermen. 112-104, nga nag-inat sa series ug sa samang higayon, naghatag og kahigayonan sa Rain or Shine.
Ang bigman nga si Beau Belga maoy nahimong mahait nga hinagiban sa Painters ni coach Caloy Garcia sa naghinapos nga bahin human kini mipabuto og tres sa katapusang 11 segundos nga maoy nagyawe sa ilang kadaugan.
Si Belga, mitapos sa duwa nga may 16 puntos, tulo niini gikan sa three-point area, aron makigduyog sa laing upat ka Painters nga naka double-figure.
Ang ilang import nga si Carl Montgomery mitali og 25 puntos ug 15 ka rebounds, midugang og 22 puntos si Rey Nambatac, Jayvee Mocon 16 ug Gabe Norwood nga may 11 puntos.
Ang maong kadaugan nga nagpakubol sa bintaha sa Beermen sa series, 2-1, nalangkat sa Rain or Shine taliwala sa 51 puntos nga gipaulbo ni Chris McCullough.
Gihulagway ni Belga nga ang depensa ngadto sa mga local Beermen nakatabang og dako sa ilang kadaugan.
“Kung umiskor ang isang tao ng ganun and limited yung iba, ok lang sa amin. Hindi naman kayang talunin ng iisang tao yung lima, e,” matod ni Belga ngadto sa mga reporters atol sa post-game interview.”Five-on-five yun. You need to involve everybody.”
Sila si June Mar Fajardo, Chris Ross ug Arwind Santos maoy naapektohan kaayo sa depensa Painters.
Si Fajard0, ang 5-time MVP, igo lang naka otso puntos, samtang si Ross kinsa mipupo og 34 puntos sa Game 2 nga may 10 ka tres, igo lang naka sais puntos samtang wa ka iskor si Santos. Nanaad si Belga nga unsay ilang gibuhat sa Game 3 mao usab kini ang ilang himuon karong gabii.
“Next game ulit, dadalhin sa maleta. Sana ganun ulit. May suwerte ulit sa susunod,” dugang ni Belga. Si Ross, sa iyang bahin, miadmitar sa ka hugot sa depensa sa Rain or Shine ilabi na ngadto kaniya.
“I didn’t get the open looks. They changed their game plan and they didn’t give me the open looks,” pasabot ni Ross. Hinuon, malaumon siya nga masulbad ra kining tanan sa Game 4.
“We just can’t do that habit. It’s hard. You use so much energy fighting back and then kind of run out of gas at the end of the game. Hopefully we can fix that going into Game 4 and give ourselves a better chance to be fresh at the end of the game,” panapos ni Ross. (JBM)