SECTIONS
Monday, September 23, 2019
SUPERBALITA CEBU

Nalzaro: Bonus sa Mandaue; buno sa Kapitolyo

Saksi

ANG kagamhanan sa lalawigan sa Sugbo magsaulog sa ika-450th anniversary karong buwana. Daghan ang nakalinya nga mga kalihukan ning usa ka buwan nga selebrasyon apil na ang Pasigarbo sa Sugbo o festival of all festivals. Salmutan kini sa nagkalain-laing local government units sa lalawigan. Samtang ang dakbayan sa Mandaue magsaulog usab sa ilang ika-50 ka tuig nga anibersaryo human mahimong dakbayan.

Kay anniversary man lagi, ang Kagamhanan sa Dakbayan sa Mandaue, mohatag og anniversary bonus sa mga empleyado niini. Gianunsyo mismo ni Mayor Jonas Cortes ang maayong balita. Ang mga regular employees makadawat og P25,000 samtang ang job order employees makadawat og tag P5,000. Aw, dako na kaayo og ngisi ang nga empleyado sa Mandaue City government.

Samtang sa Kapitolyo, bad news alang sa mga empleyado kay gianunsyo ni Gov. Gwen Garcia nga dili siya mohatag og anniversary bonus kay dako na og suweldo ang mga empleyado sa Kapitolyo. Gani angay sila magpasalamat nga nakatrabaho sila sa gobiyerno nga dako og gidawat kay sa mga empleyado sa pribadong sektor. Ang empleyado sa Kapitolyo nagdawatan og P560 matag adlaw samtang ang sa pribadong sektor P386 lang ang daily minimum wage. Kinse mil pesos ang gidawat matag kawani nga pinaka-ultimo sa Kapitolyo.

Unsa man kining lakang ni Mayor Cortes? Pasalamat ba kini sa mga empleyado sa City Hall kay napili siya pag-usab? Dako ra kining maong incentive. Deserving ba o angay ba ang ubang mga empleyado nga modawat sa maong pahalipay? Unsa bay significance sa anniversary nga hatagan man og bonus ang mga empleyado? Dili na kaha igo ang ubang incentives sama sa 13th month pay ug Christmas bonus?

Sa pikas nga bahin, morag lahap ra usab ang pamahayag ni Gov. Garcia. Morag namoyboy. Salamat nga iyang gi-protektahan ang panudlanan sa Lalawigan ug gamiton ang kuwarta sa importante nga angay gamitan. Ug wa siya namulitika. Per iya untang gi-eskplikar lang og maayo kay makasabot ra man ang mga empleyado sa Kapitolyo kon dili siya mohatag og bonus. Wa lang unta siya mamoyboy.(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph