Aton, Peralta nanguna 10th JVR chess champ

SILA Aaron Aton sa Catalunan Grande Elementary School ug Queen Peralta sa Davao Wisdom Academy miiskor og kadaugan sa 10th JVR Inter-School Invitational Chess Team Championships nga gihimo sa Emcor Office, J.P. Laurel Avenue, siyudad sa Davao.

Ang third seeded nga si Aton way pildi human ang six rounds aron makuha ang grade school boys title kontra Yreil Josh Hernani sa Pathway Baptist Christian Academy ug Charlz Acre Illescas sa Antonio Pichon Jr. Elementary School nga nabutang sa ikaduha ug ikatulong pwesto.

Si Hernani mipildi ni Illescas via superior tiebreaks aron maangkon ang runner-up honors.

Si Aton mipukan sa top seed nga si Chaelton Sumaylo sa Ramon Magsaysay Elementary School sa fourth round.

Napildi sab niya sila Nerkhan Hakeem Kempa sa Brokenshire College of Toril, John Mark Labra sa CGES, Ryle Jacob Villasfer sa University of the Immaculate Conception, Hernani ug Kiel Victor Salaknib Prenicolas sa San Pedro College.

Samtang si Peralta, milabni sa high school girls crown human giharus ang unom ka bugno kontra Nathalie Suter sa Philippine Nikkei Jin Kai International School, Blanche Ellyz Bongato sa Stella Maris Academy of Davao, Lienane Faith Salajudin ug Jan Chelsea Mendoza sa Davao Central College, Hannah Laurea Bustaleno sa Mintal Comprehensive High School ug Princess Clair Guiral sa Davao Jones Academy.

Sila Bongato ug Jasmine Rei Amoncio sa DWA miiskor og identical five points aron makuha ang sunod nga duha ka pwesto.

Si Hadassah Ria Literatus sa RMES mipupo sa grade school girls title samtang si Marv Denzel Rubio sa Philippine Women's College mibulsa sa high school boys champion's trophy.