SI PRESIDENTE Rodrigo Duterte hayan sa di madugay mapugos sa paggamit sa iyang emergency powers, sama sa pag-umol og martial law sa Negros Orienal, tungod sa sunodsunod nga mga patay sa lalawigan, matod sa Malacañang sa Huwebes, Agusto 1.
“It appears to be soon,” matod ni Presidential Spokesperson Salvador Panelo ngadto sa mga reporter kon kanus-a.
“He has many options under the Constitution. He can call the armed forces to quell lawless violence. He can declare martial law,” siya nidugang.
Dihang gipangutana kon ang plano nahasubay ba sa Constitution, usa ka Palace official niingon: “Yes. Because the Constitution says you can declare martial law in the entire country or parts thereof.”
Section 18, Article 7 sa 1987 Constitution nagkanayon nga ang Presidente makadeklarar og declare martial law ug makasuspenso sa writ of habeas corpus nga di molapas og 60 ka adlaw, kon gisulong ang nasod o rebelyon.
Namahayag niini si Panelo human sa sunodsunod nga mga patay sa Negros Oriental.
Ang isla sa Negros, nga gilangkuban sa mga lalawigan sa Negros Oriental ug Negros Occidental, nalakip sa mga dapit nga ubos sa Memorandum Order No. 32, nga nagmando alang sa pagpakatap og dugang mga pulis ug kasundalohan aron pagkombate sa mga malapason sa balaud.
Matod ni Panelo nga ang pagpakatap sa kapin sa 300 ka mga sakop sa Special Action Force (SAF) operatives di paigo aron mahunong ang mga patay sa mga sibilyan sa lalawigan.
Iyang gitataw nga gikinahanglan sa Presidente ang hugot nga mga lakang aron mahunong na ang mga patay sa Negros Oriental.
“From the judgment of the President, it appears to be so, especially he mentioned last night that mas marami ang sumusuporta ngayon sa mga NPA (many are supporting the NPA now),” matod ni Panelo, dihang gipangutana kon ang SAF commandos makasanta ba sa mga malapason sa balaud sa lalawigan.
“The President doesn’t want this (spate of killings in Negros Oriental) to happen. He wants it stop. The only way to do that is to use his emergency powers,” siya nidugang.
Sukad sa Hulyo 18, moabot na og 18 ka mga tawo ang gipamatay sa Negros Oriental, sugod sa upat ka mga pulis nga giingong gipatay sa mga rebeldeng New People’s Army (NPA).
Lakip sa gipamatay sud lang sa 10 ka adlaw human sa Hulyo 18 mao sila si manlalaban Anthony Trinidad sa Guihulngan City, kanhi Ayungon mayor Edsel Enardecido, Canlaon City councilor Ramon Jalandoni, village chairman Ernesto Posadas sa Panubigan sa Canlaon City, school principal Arthur Bayawa sa Guihulngan City, ug village chairman Romeo Alipan sa Buenavista, Guihulngan City. (SunStar Philippines)