SUPERBALITA DAVAO

‘Scammers’ gipasakaan og kaso

BAYNTE sais ka mga kaso ang gipasaka batok sa mga tawo nga nagpaluyo sa mga investment schemes nga nag-operate sa Davao region human mapakyas sa pagbalik sa kapital sa ilang mga mamumuhonan.

Base sa datos gikan sa Regional Investigation and Detection Management Division of PRO 11, some CEO operators, traders, coordinators/agents of different Ponzi-like schemes operating in Davao region are facing charges pressed by their investors.

Sa Davao del Norte lang, duna nay kinatibuk-ang siyam ka mga investment schemes kinsa nag-atubang og mga kaso human 56 ka mamumuhonan nipasaka og reklamo batok sa mga nahisgutan sama sa ENCO (Enterprise Company), Questlink Digitial Marketing, Titan 29 Marketing, BCT Marketing and Car Trading, A 21 Marketing, Jogle Innovative Marketing, LK638 Marketing, Omega, ug Dreamzion Beauty and Health Hub.

Laing unom ka mga reklamo ang gipasaka sa Mati City, Davao Oriental tungod sa kalapasan sa Presidential Decree (PD) 1689 o Increasing Penalty for certain Forms of Swindling o Estafa batok sa walo ka mga opisyal sa Asia Business Corporation o RDFLEX Trading/Marketing (ABC-RD).

Gibutyag sa PRO 11 nga ang Large Scale or Syndicated Estafa, Syndicated Estafa, Batas Pambansa Blg. 22 ug Article 315 sa RPC may kabahin sa P.D 1689 gisang-at sab sa mga lideres nga giingong nag-operate sa investment scams.

Sa Davao City, pito ka mga mamumuhonan wala pa makapasaka og kaso batok sa Crowd Royal Real Estate Service.

Mga investors niduol sa kapulisan aron nga moreklamo human mga opisyal sa maong mga kompaniya wala na mopakita atol sa gitakdang "pay outs".

Gisulti ni PRO 11 regional director Police Brigadier General Marcelo Morales nga naglaum sila og daghan pang mga moreklamo nga moadto sa kapulisan tungod kay dunay mga investors ang nangayo og tambag sa pulis apan di pa makahukom kon ila bang ipadayon ang kaso kay naglaum pa silang makuha og balik ang ilang gibubo.

Ang pagkahugno sa maong mga investment schemes nagsugod sa dihang si Presidente Rodrigo Duterte, atol sa paghinabi sa programa sa telebisyon ni Pastor Apollo Quiboloy, "Give Us This Day," nga gisibya sa Sabado, Hunyo 8,, nagmando sa Philippines National Police (PNP), National Bureau of Investigation (NBI), ug sa Criminal Investigation and Detection Group (DILG) nga sirad-an ang Kapa Community Ministry International, Inc. (Kapa) kon diin naghulagway niini isip "continuing crime" ug usa ka pyramiding scheme.

Iya sab nga gimando ang pagsira sa uban pang susamang Ponzi-schemes. Human sa mando, mga awtoridad nagpahugot sa ilang operasyon batok sa mga ilegal nga investment firms.

Samtang giawhag sa mga pulis ang uban pang mga biktima sa investment schemes nga mopasaka og reklamo o kaha kon dunay mga pangutana bahin niining butanga nga mokontak sa PRO 11 Hotline number 09985987026 o padala og mensahe pinaagi sa ilang Social Media Account - Pulis Rehiyon Onse II.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph