DUL-AN 200,000 ka mga tinun-an sa elementarya sa Central Visayas ang makapahimulos niining libre nga bakuna human gibalik paglusad sa Department of Health (DOH) 7 ang School-Based Immunization Program sa ahensiya.
Tumong sa maong programa nga mahatagan og bakuna ang mga tinun-an ug aron usab moatate sa DOH alang sa bakuna.
Gitug-an ni DOH 7 regional director Dr. Jaime Bernadas nga niabot lang sa 61% sa ilahang target accomplishment ang nabakunahan niadtong nakalabay nga tuig.
Usa sa rason niini mao ang kahadlok sa ginikanan nga magpabakuna subay niadtong kontrobersiya sa anti-dengue vaccine nga Dengvaxia.
usgan ang ilahang kampanya sa pagpamakuna, tulo kini ka mga klase: ang measles containing vaccine, tetanus and diphtheria vaccine, ug ang human papillomavirus (HPV) vaccine.
Ihatag kini sa mga tinun-an sa grade 1, 4, ug 7.
Matod ni Bernadas nga sa kinatibuk-an anaa sa 195,399 ka mga tinun-an ang target nila ug gusto usab nila nga mabalik ang accomplished target niadtong 1970’s ug 1980’s nga anaa sa 95%.
Awhag niini sa inahan nga mosanong kini sa ilang pagduol sa gyud sa mga bata sa pagpamakuna diin sa tunghaan na kini.
Gipahibawo usab nila nga kinahangalan ang parent’s consent bag-o mahatagan ang mga bata sa maong bakuna.
Ang buwan sa Agusto mao ang gideklarar sa DOH nga School-Based Immunization Month diinang DOH 7 nilusad niini niadtong Huwebes, Agusto 1 sa Don Vicente Rama Memorial Elementary School sa Basak, Cebu City.
Partner sa DOH ang Department of Education niining maong programa.
Giklaro ni Bernadas nga dili na kini bag-o nga pagpamakunang amotutok sa niadtong 2013 diin nakapamakuna ang DOH og 38,688 ka mga tunghaan lukop nasod. (HBL)