SUBAY ing kontrobersiya sa Department of Health (DOH) nga adunay wala mapang-apud-apod nga tambal ang duol na ang expiration date niini nga nagkantidad og P367.158 milyones.
Gipahibawo sa DOH 7 regional director Dr. Jaime Bernadas nga wala’y ingon niini sa ilahang bodega sa region.
Dugang ni Bernadas nga usa gyud ni sa mandato sa iyang mga sakop nga ipang-distribute ang tambal tungod kay daghang nagkinahanglan.
Nigawas ang maong isyu human gibutyag sa Commission on Audit (COA) nga aduna’y kapin P360 milyones nga kantidad sa tambal ang hapit na ma-expire.
Ang maong mga tambal anaa pa kini sa DOH warehouse atol sa ilang pakisusi niadtong Enero 31 ning tuiga.
Gibutyag usab sa COA nga aduna’y tambal nga nagkatidad og P30 milyones ang napanghatag ngadto sa health centers ug tambalanan nga na-expire na.
Sa pagkakaron, gipaubos sa imbestigasyon ang maong kontrobersiya.
Duha ka team nga adunay tag walo ka mga sakop sa doktor ang ipadala sa Department of Health (DOH) Central Visayas aron pagtabang sa DOH Western Visayas human sa nahitabong pagsaka sa kaso sa dengue sa dapit diin niabot na sa lima ka mga lungsod ang gipaubos sa state of calamity.
Motabang ang maong mga doktor sa pag-atiman sa mga pasyente nga naigo sa sakit nga dengue sa rehiyon.
Matod ni DOH 7 regional director Jaime Bernadas nga madeploy kining walo ka mga doktor sulod sa usa ka semana ug aduna pu’y lain nga walo ka doktor ang mopuli kanila didto.
Base sa datus sa National Disaster Risk Reduction and Management Council (NDRRMC) niadtong Hulyo 31, anaa na sa 23,216 ang natalang datus nga nataptan sa dengue sa Western Visayas ug niabot na usab sa 111 ang patay alang karong tuiga.
Anaa sa ikatulo ang Western Visayas nga aduna’y labing daghang kaso sa dengue sa mga rehiyon sa nasod.
Gisundan kini sa Central Visayas diin anaa’y 9,594 ka kaso ug 62 na ang patay.
Kon tan-awon ang nag-unang mga rehiyon sa tag-as ang kaso sa dengue sa nasod, nasulod sa top 5 ang tulo ka rehiyon sa Visayas diin anaa sa ikalima ang Eastern Visayas.
Dugang ni Bernadas nga nagpadala sila og doktor sa maong rehiyon tungod kay aduna’y panginahanglan.
Gani adunay hospital nga nag-tent na tungod sa pagsaka sa mga pasyente nga nagka-dengu
Nasayran usab base sa report sa NDRRMC nga himuong hospital extensions ang Regional Evacuation Centers sa Western Visayas.
Gawas sa mga doktor, aduna pu’y mga sobra nga testing kits ang gihatag nga ayuda sa DOH 7. (HBL)