USA sa mando ni Presidente Rodrigo Duterte atol sa iyang bag-o lang nga State of the Nation Address mao ang pag-review sa Senado ug Kamara sa hisgotanan sa death penalty tungod kay bout na niining mapatuman sa labing daling panahon.
Bout niining pamatyon ang mga nalambigit sa ginadili nga druga ug kadtong mga mga nag-atubang og kasong plunder.
"I am aware that we still have a long way to go in our fight against this social menace. Let the reason why I advocate the imposition of the death penalty for crimes related to illegal drugs. Our citizens have begun to do their part in the war against drugs, and through the barangay formation of anti-drug councils, and also actually surrendering bricks of cocaine found floating in the sea into our islands. I call this responsibility. However, the drugs will not be crushed unless we continue to eliminate corruption that allows this social monster to survive," matud sa Presidente atol sa iyang speech.
"I respectfully request Congress to reinstate the death penalty for heinous crimes related to drugs, as well as plunder," pasabot niini.
Si Police Lieutenant Colonel Mardy Hortillosa kinsa tigpamaba sa Police Region 10 nibutyag sa Sun.Star Superbalita nga kung kini hingpit nga mapasa ug mauyonan ug maimplementar wala silay gahom sa pagsupak niini.
Dugang niini nga ang pagkalambigit sa ginadili nga druga labina mga dagkong tawo ang dako kaayo og epekto ngadto sa mga yano lamang nga katawhan nga maoy sagad ilang magamit sa ilegal nga kalihokan.
Kung mapitol ang punoan niini dako ang posibilidad walay mosulod niini nga matang sa panginabuhian labina sa ilegal nga druga.
Gani usa sab sa nalantaw niini nga malakip kadtong dili basta basta nga mga kaso sa pagpanglugos ug pagpatay. Hinuon gipasabot sab niini nga kining tanan taas pa og proseso sa hisgotanan.