SECTIONS
Tuesday, September 17, 2019
SUPERBALITA CEBU

3 ka armado gipasakaan na og mga kaso sa korte

Pormal nang gipa-atubang sa Cebu Provincial Prosecutor's Office sila Danny Harold Tancinco, Ronnie Herebias ug Marlon Basalo, duha ka adlaw human sila gisikop sa kapulisan sa lungsod sa Badian. Ang tulo ka lalaki nasikop sa usa ka beach resort human kini sila gidudahan nga mga miyembro sa New People's Army. (Sunstar photo/ Wenilyn B. Sabalo)

TULO ka armadong mga tawo nga nasikop sa Badian Police Station niadtong Miyerkules, Hulyo 31, gipasakaan nag kasong illegal possession of firearms and explosives ngadto sa Regional Trial Court (RTC) sa lungsod sa Barili.

Ang kapulisan hugot nga nihatag sa siguridad sa mga dinakpan. Ang mga sakop sa Special Weapons and Tactics (SWAT) nga naka full battled gear ang nidala sa tulo ka mga dinakpan nga giingong mga sakop sa New People’s Army (NPA) nga taga lungsod sa Ayungon, Negros Oriental.

Ang tulo mao sila si Danny Harold Tancinco, Ronnie Herebias ug Marlon Basalo.

Gigapos ang ilang mga kamot nga gitabonan ang mga nawong samtang nagpaabot nga ma inquest sa ilang kaso.

Wala na sila moluwat og pamahayag sa mga sakop sa media lakip na ang hepe sa Badian police station.

Apan matod ni Police Colonel Roderick Mariano nga di pa sila makapasakag kasong rebellion tungod kay wala pa silay ebedensya niini.

Si Assistant Provincial Prosecutor Julius Ompad nagkanayon nga duha ka mga kaso ang ilang tan-awon.

Balido ba ang pagdakop sa gipangdudahan nga mga sakop sa NPA ug duna bay probable cause sa pagpasakag kaso ngadto sa korte.

“Whether the arrest is valid, the legality of the arrest and whether or not there is a probable cause that warrants for the filing of an information against the respondent in court,” matod ni Ompad.

Matod ni Mariano nga ilang hatagan og hugot nga siguridad ang mga dinakpan sanglit giila nila kini nga high risk tungod sa pag-angkon nga mga sakop sila sa NPA.

Ila pa hinuon kini nga susihon kon unsa ka tinuod nga sila mga rebelde.

Gipasalig sa hepe sa kapulisan sa probinsya sa Sugbo nga luwas pa ang mga Sugboanon sanglit wala pa sila maka monitor nga adunay laing armadong tawo nga nakasulod apan wala sila mo kompyansa.

“So far, wala pa tayong report na na re-receive na may sightings but yung mga nangyari sa kabilang probinsya nagta-take lang ako ng directives sa akong mga chief of police na baka sakali silang tumawid. Kaya nagiging maximize namin yung aming presence sa mga sea ports at coastal barangay’s,” matod ni Mariano.

Ning tinguha sa Malacañang nga ipaubos sa martial law ang tibuok probinsya sa Negros Oriental tungod sa sunod-sunod nga patay sa maong lalawigan, nagtuo ang opisyal nga daghan unya nga mga armado nga molayas sa dapit.

Tungod niini gimandoan karon ni Colonel Mariano ang iyang mga sakop nga bantayan pag ayo ang kabaybayonan sa mga lugar nga nag atubang sa Negros.

Di kabalak-an

Bisan sa pagkasikop sa tulo ka armadong tawo, sumala ni Gobernador Gwen Garcia nga malinawon gihapon ang lalawigan sa Sugbo.

Sigon sa gobernador, masulbad ang suliran sa insurgency kon ang chief executive klaro kon hain ang iyang sentimento o loyalty sa Republika sa Pilipinas.

“Dili nga moduwa ta sa duha kay aron ta makakuha’g botos. Di ta moduwa sa duha because kay ang tinguha niining mga NPA is really to overthrow our government. And they’re putting up their own parallel government,” dugang ni Garcia.

Matod ni Garcia, isip mga opisyal sa gobiyerno, sila nanumpa nga panalipdan ang Constitution ug tanang mga balaod sa nasod.

Iyang gidayeg ang Police Regional Office sa Central Visayas ug Cebu Provincial Police Office sa pagkasikop sa tulo ka gikatahapan nga mga NPA.

Siya niingon nga hayan gikonsiderar niini nga dinhi mopahuway sa Sugbo.

Sa ikatulong termino ni Garcia niadtong 2010, siya nideklarar og all-out-war batok sa mga NPA ug komunistang terorista.

“Because of that, Cebu was declared insurgency free during my time,” dugang niini.

Siya nidugang nga kanunay nga himuong model sa Armed Forces of the Philippines kon giunsa pagtabang sa usa ka local government unit sama sa kagamhanan sa lalawigan sa Sugbo sa military pagsulbad sa suliran sa insurgency.

Siya makigtigom sa Provincial Peace and Order Council (PPOC) sa dili madugay aron matuki ang seguridad sa lalawigan.

Sukad niadtong dekada 80, ang mga rebelde kanunay motabok sa Sugbo kon init ang kampanya sa mga tropa sa kagamhanan.

Nakabutang sila og base sa midnorth Cebu, apan napuhag ra usab kini sa gipainit nga kampanya sa kagamhanan. (AYB & SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph