LAMI ug simple ang bistek. Pero importante nga maayo ang quality sa baka para tender kini.
Simpleng tip lang pud, dapat hiwaon lang kini og nipis unya kontra sa grano sa karne ang hiwa para dili lisod usapon kon kan-on.
• Mga Sagol
1/2 kilo beef steak cut (pwede pud ni og baboy)
4 ka ahos gitadtad og pino
1/2 cup nga soy sauce
8 ka lemoncito (juice)
1 kutsarang asukar
1/2 kutsaritang paminta pinisa
2 dahon sa laurel
2 ka sibuyas gihiwa pa rings
• Unsaon pag-andam
1. I-marinate og 15 minutos o overnight.
2. Gisaha ang sibuyas ug ipadaplin para toppings unya.
3. Ibahin bahin ang pag luto sa karne. Siguraduha nga walay madala nga marinade sa pagprito. Balibaliha pagluto unya ipadaplin.
4. Pagkahuman og luto, lutoa pud ang nabilin nga marinade ug ibalik ang karne para maluto sa sauce kadali.
5. Ibalhin sa panaksan dayon ibutang ang nagisang sibuyas sa ibabaw para i-serve.
Kon gahion ang karne nga imong napalit, kinahanglan nimo ni lapwaan hangtod mohumok usa gisahon sa marinade.
Sunda ko sa akong social media accounts.
Facebook: facebook.com/LutongTatungOfficial
Website: www.lutongtatung.com
Twitter: @cheftatung
Instagram: Cheftatung