MANILA - Niadtong Huwebes gipahigayon ang press presentation sa official candidates sa Mutya Pilipinas 2019. As I mentioned kaniadto, ang bag-ong presidente sa Mutya nga si Cory Quirino ang nagtangtang sa “Ng” tungod kay gusto niyang isunod sa bag-ong panahon ang nahisgutang major beauty pageant sa atong nasud.
Nahimamat ko ang 40 official candidates. Bale 30 lang ang gikuha sa Pilipinas og ang 10 naggikan sa Filipino communities sa ubang nasud og sila mao si: Amber delos Reyes (Canada), Louise Janica Arroyo An (California), Karmina Luis Grady (Arizona), Tyra Goldman (Nevada), Joi Hunter (Illinois), Ysabel Napiza (New Jersey), Savannah Rosemary Catayas (Australia), Layla Yousif Adriatico (Bahrain), ug Carmille Maha Marie Rono Fabro (UAE).
Extensive ang gihimong search sa grupo ni Miss Cory Quirino ug nag-held sila og auditions and screenings sa mga lagyong probinsya og may tulo silang napili sa Cebu nga nakigtigi karon. Sila si Maria Gelina Lequin of Bogo City, si Karla Claudine Lasquite of Cebu City og Maria Angelica Pantaliano of Mandaue City. Goodluck.
Sa press presentation, nipili ang press og Darling of the Press ug nag-tie sila si Miss Baguio (Andrea Fe Gomez) ug Miss Padre Garcia, Batangas (Maxinne Nicole Rangel).
May duha ka candidates nga short hair, si Miss La Paz, Iloilo (Stephanie Monique Villavicencio nga ang monicker “Basta Ilongga, Guwapa” ug si April Short (Zamboanga City). Kung pageant enthusiast kamo, siguro nahinumduman ninyo siya sa miaging Binibining Pilipinas (ka batch ni Gazini Ganados) siya yung short hair.
Hangtud karon, short hair pa gihapon siya og wa niya patas-a ang iyang buhok .
Ang 51st Grand Coronation Night of Mutya Pilipinas ipahigayon sa Mall of Asia Arena sa August 18 with delayed telecast on ABS-CBN.
For inquiries , please visit at www.mutyapilipinas.com. Salamat sa hulagway, Norman Tinio.