NAGTINGUHA si Cebuano warrior Allan Albindo nga makarehistro sa labing una niyang daog sa ONE Warrior Series (OWS) sa iyang pagpakigbatok kang Malaysian Arif Izzudin karong Agusto 6 sa Singapore.
Ang 22 anyos nga produkto sa Yaw-Yan Ardigma Cebu unang miaway sa OWS niadtong Hunyo 7 apan nalupig kini ni Indian Manthan Rane pinaagi sa unanimous decision.
Human ning maong kapildihan, grabe nga nag-training si Albindo ubos sa paggiya ni Master Benigno “Ekin” Caniga sa iyang tinguhag makabawi.
“Andam nami,” matod ni Caniga sa interbyu sa Sun.Star Cebu.
Karong adlawa nakatakdang molarga sila si Albindo ug Caniga alang ning laing malisod nga tahas.
Naglagiting nga $100,000 nga kontrata sa ONE Championship, maoy giilugan ning maong reality series. (EKA)