MAGKATAPOK na sab ang mga estudyante ug mga mahiligon sa lumba sa dagan sa ika-14 nga edisyon sa University Run nga gikatakda karong Septiyembre 8 sa Cebu Doctors University (CDU) campus sa North Reclamation Area sa Mandaue City.
“We make the race as safe as possible by not going out in the highway. The route will pass by the school and within the Mandani Bay,” pasabot ni Cebu Doctors’ Group of Hospitals president ug Run For Sight chairman Potenciano “Yong” Larrazabal III sa press conference kagahapon.
Gipasabot ni Larrazabal nga sukwahi sa naandan, nakadesisyon silang dili na mogamit sa duha ka mga bridge nga nagpaingon sa Lapulapu City aron dili kini makabalda sa dagan sa trapiko.
“As we know the traffic is getting worse. You can’t do the bridge course without a road closure. But with the current plans of LRT (Light Rail Transit) lead by the Presidential Assistant for the Visayas Michael Lloyd Dino, maybe we can do the long distance again with a full road closure in the future,” pasabot ni Larrzabal.
Naglangkob nga mga kategoriya sa lumba mao ang 10-kilometer, 5K ug 3K categories. Ang 10K ug 5K races adunay open, alumni ug employees divisions samtang ang 3K adunay open ug student divisions.
Si Dr. Philip Larrazabal, CDU president, nagkanayon nga ang modugang og kaikag sa kalihukan mao ang cheer dance competition ug waterbooth contest.
Ningtambong sab sa presscon mao sila si Cathy Vestil, CDU P.E teacher; Tanet Badilles, CDU HRD Department; Stanley Dipay, CDU Sappro head; Arnold Choachoy, Sunsports; ug Joel Juarez, race director. (RSC)