USA ka pastor sa United Church of Christ in the Philippines (UCCP) sa Antipas, North Cotabato ang gipusil patay Biyernes sa buntag, Agosto 2, sa mga suspek nga nagsakay og motorsiklo.
Sa taho gikan sa Antipas Municipal Police Station, nag-ila sa biktima nga si Ernesto Javier Estrella, 51, molupyo sa Barangay Malatab, Antipas.
Gikanayon sa pulis nga si Estrella nagdrayb sa iyang motorsiklo alas 7:15 sa buntag padulong sa Poblacion sa Barangay Magsaysay sa dihang giatngan sa duha ka mga suspek nga nakamotor.
Usa sa mga suspek nagpusil kaniya tumong sa ulo hinungdan sa iyang kamatayon.
Mga mamumuno nisibat human ang pagpamusil, samtang mga pulis nilusad og hot pursuit operations batok sa mga suspek. (SunStar Philippines)