LALAKING pinusasan ang mga kamot gipusil patay sa duha ka mga tawo nga nagmotorsiklo pasado alas 3 sa kaadlawon sa Sabado, Agosto 3, sa dan B.B. Cabahug, Barangay Guizo, dakbayan sa Mandaue.
Sa pagsuwat ning taho, wa pa mailhi ang biktima, kinsa gihulagway nga nagsul-ob og grey nga sweatshirt, puti nga shorts pants samtang pinusasan ang duha ka mga kamot.
Matod ni Mandaue City Police Director Jonathan Abella nga naputos sa mga samad pinusilan ang lawas sa biktima.
Duha ka mga saksi nitug-an sa kapulisan nga nangabot ang usa ka motorsiklo nga gisakyan sa duha ka mga tawo.
Ilang nakit-an nga gipusil ang biktima sa makadaghan hinungdan nga namatay diha-diha.