SECTIONS
Monday, September 16, 2019
SUPERBALITA CEBU

Lalake gi-salvage

PATAY nang naabtan sa mga pulis ang usa ka lalakeng gituohang biktima sa salvage sa may St. Joseph Cemetery sa Bb. Cabahug st., Barangay Guizo, Siyudad sa Mandaue.

Ang wa pa mailhing lalake pinusasan sa mga kamot ug naputos sa samad pinusilan dihang nakaplagan mga alas 3:38 sa kaadlawon sa Sabado, Agusto 3.

Sa imbestigasyon sa Station 1 sa Mandaue City Police Office, nasuta nga sakay sa usa ka scooter ang duha ka mga killer.

Kalit lang ningpusil ang mga killer sa biktima sa makadaghang mga higayon.

Sigun sa duha ka mga saksi nga daling ningsibat ang mga killer sakay sa itom nga Mio sa wa matino nga direksyon.

Wa pa masuta sa kapulisan kon unsay mga sirkumstansya sa pag-abot sa biktima sa dapit.

Pag-abot sa mga pulis sa crime scene, ilang naabtan ang biktima nga nag buy-od, patay na.

Nakakuha ang mga sakop sa Scene of the Crime Operation og 11 ka mga basiyo sa bala sa kalibre .45 nga pistola.

Ang biktima gihulagway nga nag sul-ob og grey nga sweatshirt, puti nga short pants ug gipusasan ang duha ka mga kamot.

Matod ni Police Colonel Jonathan Abella, hepe sa Mandaue City Police Office, nagpadayon pa ang iyang mga imbestigador sa pag-ila sa biktima sa pagsuwat ning taho.

Di pa sila makasiguro unsay anggulo sa pagpatay, apan usa sa ilang gitan-aw ang onsehan sa ilegal nga drugas.

Wa usab nila wad-a ang posibilidad nga personal ang motibo sama sa love triangle.

Nagtuo si Abella nga adunay kalagot ang mga killer sa biktima tungod sa pamaagi sa pagpatay.

“Dili pa sure ang angle, pero among gi check ang drug related. Basig onsehan sa drugs, love triangle or sa trabaho o kaha naa gyud kalagot sa iyaha siguro,” matod ni Abella.

Gihimakak ni Abella nga adunay vigilante sa siyudad sa Mandaue nunot sa paagi sa pagpatay sa biktima.

Ilang susihon kon taga Mandaue ba ang biktima o diha lang gipatay sa ilang dakbayan.

Tungod sa hitabo, nimando si Abella sa iyang mga sakop sa pagpahugot sa checkpoint matag gabii hangtod sa kaadlawon.

Aduna na silay gihimong check point sa matag police station sukad siya milingkod isip hepe sa MCPO.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph