SECTIONS
Tuesday, September 17, 2019
SUPERBALITA CEBU

P. 5-M subsidy sa 'Pasigarbo sa Lalawigan sa Sugbo 2019'

HATAGAN sa kagamhanan sa lalawigan sa Sugbo og tag P500,000 nga tabang pinansiyal ang mga lungsod ug siyudad nga naa sa mainland nga mosalmot sa pagbalik sa Pasigarbo sa Sugbo karong Agusto 25, 2019.

Samtang tag P700,000 nga subsidy ang madawat sa mga lungsod nga gikan sa mga isla sa Camotes ug Bantayan, amihanang Sugbo.

Matod ni Gob. Gwen Garcia dili angay ikabalaka kon dako ang subsidy nga ilang ihatag sa mga local government unit alang sa Pasigarbo.

“Kon inyo na kwentahan, dako pa gihapon ta og sobra sa savings nato, sa salaries lang daan sa mga jo (job order). Mao na akong giingon ba redirecting resources to the things that would accrued to the benefit of the province and our constituents,” pamulong sa gobernador.

Sigon niini dili moubos sa P1 milyon ang premyo nga madawat sa LGU nga mokampiyon sa Pasigarbo Festival nga mabalik human sa unom ka tuig.

“Ang ila gyud ana ang honor, dungog nga sila maoy labing una after nga na-resurrect, sila’y na-champion,” pahayag sa gobernador dihang nahinabi sa mga tigbalita niadtong Biyernes, Agusto 2, 2019.

Sumala niini ang subsidy ug premyo sa Pasigarbo ngadto sa mga LGU kay kabahin sa labing unang supplemental budget (SB) nga giduso sa executive department ngadto sa Sangguniang Panlalawigan ug tukion sa regular session karong Lunes, Agusto 5.

Wa siya mohatag kon pila ang kinatibuk-ang kantidad sa SB sanglit ila pa kini gi-finalize, apan gipa-agenda na ug iyang gi-certify nga dinalian.

Apil sa SB No. 1 ang pundo alang sa pagpaayo sa gubaon nga mga karsada sa lalawigan, pagpalambo sa water system, hinabang alang sa kabarangayan ug mga LGU ug ang pagpatukod og mga edipisyo.

Lakip niini ang pundo nga gamiton sa usa ka buwan nga kasaulogan sa ika-450 nga anibersaryo sa pagkahimo nga lalawigan sa Sugbo.

“Kay this is a milestone, 450th years, so daghan ta og activities. It’s going to be a month long celebration,” dugang sa gobernador.

Ang Pasigarbo sa Sugbo nga mopakita sa lainlaing festivals sa 45 ka mga LGU nga mosalmot karong tuiga, magsugod ang street dancing sa Kapitolyo ug ang grand showdown sa CCSC. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph