GIPASIDUNGGAN ang Bureau of Fire Protection (BFP) 7 isip Best Regional Office lukop nasod sa tuig 2019.
Mismo si President Rodrigo Duterte ang mitunol sa maong award ngadto kang BFP 7 regional director Fire Sr. Supt. Gilbert Dolot atol sa ika-28 nga Founding Anniversary sa BFP ug ang sa ika-118 nga tuig sa Fire Service nga gihimo sa Philippine International Convention Center sa Pasay City niadtong Agusto 1.
Dili ni ang hunang higayon nga gipasidunggan ang rehiyon tungod kay niadtong 2018, nakadawat usab og pasidungog ang Talisay City Fire Station isip Best City Fire Station sa nasod.
Matod ni Dolot nga gihimo lang nila sa Bureau ang ilahang mandato ingon man gipatuman ang angay nga ipatuman sa rehiyon.
Dugang niini nga lakip sa ilang gihimo kining nakadaiyang inspeksyon sa establisyemento sa rehiyon aron masiguro nga luwas kini sa sunog.
Mga nagkadaiyang programa alang sa komunidad susama niining pagpahibawo sa tag-sitio kon unsaon paggamit og fire extinguisher.
Nakigtambayayong usab sila sa University of the Philippines (UP) Cebu alang sa paggama sa Fire Hazard Map sa Sugbo.
Ug garbo sa rehiyon mao kining pagtukod sa labing una nga K9 unit team sa BFP diin ang Central Visayas ang nakauna niini subay niadtong nahitabo nga pagdahili sa yuta sa dakbayan sa Naga.
Matod ni Dolot nga didto nila nasuta nga labing importante diay ang K9 unit hilabi na sa mga pagdahili diin usa nga responder ang BFP.
Karong Nobiyembre, ang BFP 7 sa emergency search and rescue organization sa United Kingdom nga “Serve On”. (HBL)