ANG Holy Cross of Davao College (HCDC) Crusaders ug Jose Maria College (JMC) Kings manguna sa tagsa-tagsa nila ka brackets sa pagsikad sa unang Samahang Basketbol ng Pilipinas (SBP) Collegiate Sponsors League 2019 karong Setiyembre.
Atol sa coaches' meeting sa pagpanguna ni SBP Davao Operations Head Ronel Leuterio, Sabado sa gabii sa The Royal Mandaya Hotel (TRMH), ang HCDC ug JMC maoy top seeds sa brackets A ug B, tungod sa impresibo nilang pagtapos sa nakalabay nga Gaisano Grand Cup.
Samtang ang ubang coach mag-draw lots sa kung asa nga bracket sila mahilakip.
Uban sa Crusaders sa bracket A ang Agro-Industrial Foundation College (AIFC) Sailors, DMMA College of Southern Philippines (DCSP) Mariners, University of Mindanao (UM) Wildcats, San Pedro College (SPC) ug Cor Jesu College of Digos.
Luyo sa Kings, ang bracket B langkuban sa UM PeƱaplata, Brokenshire College, Asian International School of Aeronautics and Technology, Rizal Memorial Colleges (RMC) Bulldogs, Holy Cross of Sasa ug Ateneo de Davao University (Addu) Blue Knights.
Ang top teams sa matag bracket human sa single round-robin elimination moangkon sa twice-to-beat advantage sa semifinals.
Ang modaug sa semifinals motigi sa titulo ug mao'y representante sa Davao sa Mindanao qualifying sa Philippine Collegiate Champions League (PCCL).
Sa 'majority decision,' ang SBP officials ug coaches nagkauyon nga kinsa mang team ang di makaapil sa miting di na mahilakip sa kompetisyon.
Gipaabot ni Leuterio sa mga coaches, "It's up to you and your sponsors how to go about their sponsorship. However, this is going to be a free registration tournament.
Subay sa plano ang opening ug championship matches ang i-ere via livestream.