LUYO sa kompetisyon, daghang hagit nga mihamok, apan mapasalamaton sa nalabangang tuig si Ruben Gonzaga, nanag-iya sa Agrihub Health and Wellness Center.
Hulyo 18 ning tuig, gisaulog sa kompanya ang unang tuig nila sa industriya sa health and wellness.
"Ang first year nato sa business is great and blessed by our Lord God. Sa atong unang tuig naka-expand na ta and more clients, retailers, distributors and stockist nga nahimo natong partner sa business," suma sa Pinoy Big Brother winner turned negosyante sa Facebook interview tali Superbalita Davao
Dugang ni Gonzaga nga sa kasamtangan ubay-ubay na nga areas sa Mindanao asa makita ang iyang produkto sama sa Davao Del Norte, Davao Del Sur, Davao Oriental, Compostela Valley Province, Kidapawan, Cagayan de Oro, Bukidnon ug General Santos City.
Gikan sa unang lima ka produkto nga ilang gipaila-ila sa publiko, ang Agri Liniment cream, Agri Massage Oil, Agri Relaxing Roll-on, Agri Herbal Soap ug Agri Fungal-free ointment, karon ipailaila sa AgriHub ang mga bag-o nilang produkto, sama sa Kape, Tea, Cosmetics ug Organic Supplements.
Atol sa anibersaryo, unang gihimo ang Thanksgiving Mass sa San Antonio de Padua Parish.
Sa hapon, ang motorkada sa nag-unang dalan sa Agdao.
Dayon gisunod ang fellowship dinner ug mubong programa alang sa mga bisita, stockist ug distributors.
Dugang ni Gonzaga nga dili lang pagpalig-on sa negosyo ang katuyuan nila sa AgriHub, apan gihatagan sab nila og gibug-aton ang pagmugna og pamilya, pagtinabangay nga moasenso.
"We are not only building business sa ilaha but we build a family sa AgriHub. Family to help each other and support each other pinaagi sa negosyo ug uban pa. We will continue our vision, mission and core values. Passion, Profit, Purpose. And to be a blessing to others and most especially put God first in everything we do and acknowledge him always. And the blessings will follow."