USA sa labing importante nga sangkap sa komunikasyon karon mao ang cellphone. Gawas nga gigamit kini sa pagpadangat og mga mensahe may labot sa dagan sa panginabuhi, emerhensiya, peace and order, transaction sa gobyerno, pamilya, love life, personal nga tuyo ug negosyo di sab magpalupig ang problema sa trapiko diin sa cellphone magtagawtaw.
Sa ato pa, kung hutdanay sa load ang hisgutan, ang problema sa trapiko usa sa hinungdan. Kini tungod sa mga tawag o text nga natanggong sa trapiko maong di makaabot dayon sa deZstinasyon. Di ba tinuod nga ang isyu sa trapiko kabahin na sa transaksyn nato sa cellphone matang dalaw.
Trapik didto, trapik diri maoy kanunay nga rason. Mapudpud nalang gud ang imong tudlo pag dial sa mga hingtungdan pagpangutana kong inay hinungdan.
Pero ang tawag nga akong nadawat sa niaging adlaw labot sa trapiko maoy lahi sa tanan. Kini tungod kay ang diha sa pikas linya naghisgut man og sulbad inay problema.
Ang caller mao si higalang Atty. Thads Bentulan nga nagpahibalo nako nga gidungog na gud ang iyang pangaliya nga hatagan og pagtagad sa mga tinugyanan sa trapiko sa ciudad sa Mandaue ang dugay na kaayo niya nga sugyot. Tulo ka punto ang iyang gisugyot kaniadto.
Una, sa matag intersection ang left turn ug forward direction kinahanglan nga wa nay left turn nga signage kay nagsiga ang green nga suga. Ika duha, sa T- junction kinahanglan nga kanunayng green ang suga sa T lane. Ang ika tulo, kinahanglan way obstruction sa mga intersection.
Sumala ni Atty. Bentulan iyang naobserbahan nga sa intersection sa may North Road ug UN Avenue (atbang sa Pacific Mall) nga maisip nga T-junction ang mga sakyanan gikan sa norte moderitso na tungod kay kanunay nga green ang suga. Di parehas kaniadto nga tungod sa left turning maghuwat pa kanus-a mo-green.
Iyaha sab nga naobserbahan nga sa eskina AS Fortuna ug Highway Seno wa nay left turn signage nga gibutang sanglit salabtonon naman nga naay mo-left turn matag siga sa green nga suga. Napatuman na sa Mandaya pero ang susamang sugyot para sa intersection sa atubangan sa Kapitolyo wa pa may aksyon.