Aksidente sa motorsiklo nag-una sa MisOr



NAG-UNANG aksidente sa kadalanan sa Misamis Oriental naglambigit sa motorsiklo diin moabot ngadto sa 90 porsyento.

Kini ang gikumpirma ni Provincial Risk Reduction Management Department (PDRRMD) Head Fernando Vincent Dy kinsa niingon nga labing daghan ang natala nga naglambigit sa motorsiklo.

"90 percent - it involves kanang motorcyle accident, whether nagbangga or gibanggaan nila ang nagpark nga truck. So, naa sad uban nga pasirit-sirit lang sila wala sila kabangga," matud ni Dy.

Dugang niini nga kanunay sila nga nagpahimangno sa katawhan, labina sa mga motorista, nga maglikay nga magmaneho nga nakainom og ilimnong makahubog.

"Kanunay gyod nato gipahibalo ug gipahimangnoan atong kauban nga, especially kadtong nakainom, nga dili gyud lagi mag drive anang motorsiklo kay tungod duha ra ka ligid," matud niini.

Midugang si Dy nga kadto sab nagmaneho og upat ka ligid kinahanglan dunay back up nga kauban nga maoy magdrive kung panahon gikan naglipay-lipay.

Gani ang kagamhanan sa probinsya gitakdang makabaton og ekipo, sama sa hydraulic cutter, kon asa kini nga magamit sa emerhensya labina aksidente sa kadalanan.

"Kun naa'y mga aksidente, kun naa'y mga ipit, medyo naipit ang tiil both sa impak sa bangga. So pag-abri niya, di man na ingong pag-abri kay mag-ungot ang pultahan. Apan, naa'y gitawag nga cutter, so mo-cut siya sa kanang puthaw so ato ma-rescue pagawas ang biktima. So dako ni siya nga gamit labi na sa road accident ang atong respondihan," matud ni Dy.

Ning tuiga nakabaton na ang bag-ong mga ambulansya ug search and rescue vehicles ang buhatan sa PDRRMD nga puwede na kaayong magamit panahon sa emerhensya.

Aminado si Dy nga taliwala nga aduna na'y igong ekipo ang buhatan sa PDRRMD, kon itandi sa nilabay nga administrasyon nga giingong bisan pisi wala diha, aduna gihapon kulang niini labina nga ang mga napalit nga pisi aduna'y expiry nga gikatakda sunod tuig ug kinahanglan na usab nga pulihan og bag-o.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph