DAGKONG mga balud maoy nag-aghat sa mga tigpasiugda nga ikanselar ang paglusad sa langoy sa 34th Kadayawan Sports Festival Triathlon 2019 apan ang bag-ong entrante nga 2-anyos nga si Petros "Spiky" Arenas wala magsapayan niini kay niabot siya sa finish line nga nagtingsi, taliwala sa naghugyaw nga manunud-ong.
Si Spiky, kinsa nidagan sa 150-meter run, 1.5-kilometer bike ug 300m run event sa Villa Josefina Resort Village sa Toril niadtong tapos sa semana, nioras og 28 minutos ug 53 segundos aron nga mahimutang sa ikatulong puwesto sa male six years old and below division.
Nakadawat sab siya og pasidungog isip maoy pinakabata nga entrante sa lumba nga gibalhin ngadto sa duathlon. Uban sa pagpakig-konsulta sa Philipine Coast Guard, nakita sa mga tigpasiugda nga usbon ang swimming leg.
Ang iyang amahan nga si Peter, sa text interview sa SunStar Davao kagahapon, nagsulti nga si Spiky nagbansay lang sa bisikleta ug dagan sulod sa usa ka bulan.
"First time nya pong sumali. Two years and seven months sya nung Saturday. Sama-sama lang po namin sya sa training namin," matud sa garbong amahan, usa ka triathlete sab. Ang igsuong babaye ni Spiky nga si Pepper mao sab ang iyang isports.
Apan alang kaniya, tinguha niyang ipadayon sa iyang anak ang bisikleta kay kini ang gusto niyang himuon.
Si race organizer Stax Savellano sa Tri Right Mindanao, sa paghinabi sa Facebook, nagsulti nga ang Tri Rigt lang ang naghanyag og six-below category.
Matud niya, "Most races were from six up like the Ironkids. I will not let him race I had not seen him do the bike, run and swim in practice. It's originally a 4-6 age group."
Ang General Santos City ug Trigenerals nidaug og tulo ka mga titulo matag usa.
Si Heurex Almero (male 10-12), Aliyah Gregorio (female 13-15), ug Naomi Nolasco (sprint female 16-24) nanguna sa ilang tagsa-tagsa ka mga kategoriya samtang ang Trigenerals nisalig kang Gelyn Ninofranco (Olympic overall female), Geoffrey Dionisio (Olympic male 35-39) ug Doneelyn Pe (sprint female 35-44).
Mga mananaug nakadawat og ganti gikan sa lokal nga kagamhanan sa Davao pinaagi sa Sports Development Division sa City Mayor's Office.
Ang ubang mga kampeyon: Team PFD (Olympic all male relay), Kotspat Momshies (Olympic All Female Relay), Marsian (Olympic mixed relay), Zairah Pade sa Go Happy Sister (six-under), Andrew Dugaduga (male six-under), Princess Espos sa Tri Right (female 7-9),
Sila Joseph Pastoriza (male 7-9), Layla Todd (female 10-12), Eryk John Omandam (Go4Less), Sheryl Sevilles sa Trivengers (novice adults female), Jaypee Gaid (novice adults male), Eleazar Gumeal sa Davao Metro Shuttle (Olympic overall male), Martin Vicada sa Triactive (Olympic male 18-24), Jefferson Tabacon sa DMS (Olympic male 25-29), Nicholas Michalski sa Tri Right (Olympic male 30-34), Reyjun Vibas sa Triad (Olympic male 40-44), Ronald Galendez sa Camiguin (Olympic male 45-49), Felix Motilla sa LGU Mati City (Olympic male 55-59), Ralph Pasuon sa South Cotabato (sprint overall male), Pia Suarez sa Triad (sprint overall female), Jose Manuel Arao sa Trikids Davao (sprint male 16-24), Leyzander Rosell sa DMS (sprint male 25-34), Rey Sarona sa Filipino Homes (sprint male 35-44) ug Jake Reyes sa PNP 12 (sprint male 45-54).