200 namuwang, dakpan

SIKOP TANAN: Ingon sa mga piniriso ang mga sabongero nga naabtan sa Criminal Investigation and Detection Group (CIDG)7 sud sa usa ka buwangan sa Barangay Ibabao-Estancia, Dakbayan sa Mandaue Lunes sa hapon. Gironda ang buwangan kay way permit sa pagpahigayon og buwang. Ang gitugot matag Dominggo ug holidays lang. (Alan Tangcawan)
SIKOP TANAN: Ingon sa mga piniriso ang mga sabongero nga naabtan sa Criminal Investigation and Detection Group (CIDG)7 sud sa usa ka buwangan sa Barangay Ibabao-Estancia, Dakbayan sa Mandaue Lunes sa hapon. Gironda ang buwangan kay way permit sa pagpahigayon og buwang. Ang gitugot matag Dominggo ug holidays lang. (Alan Tangcawan)

GIRONDA sa mga sakop sa Criminal Investigation and Detection Group (CIDG) 7 ang buwangan sa Barangay Ibabao-Estancia, Siyudad sa Mandaue pasado alas 4 sa Lunes sa hapon, Agusto 5.

Kapin sa 200 ka mga tawo nga naabtan sa mga pulis ang gipang hold sa CIDG 7 nga gipangulohan ni Police Major Edwin Lacostales.

Adunay permit ang buwangan nga giingong gipanag-iya sa usa ka prominenting tawo sa siyudad sa Mandaue.

Apan ang permit nagtugot lang sa pagpahigayon og buwang sa matag Dominggo ug pinili nga holidays kun piyesta opisyal.

Gisuwayan pagkuha sa Superbalita Cebu ang habig sa prominenting personalidad sa siyudad, apan wa motubag ang usa sa iyang mga staff.

Matod ni Lacostales nga bisan adunay permit sa pag operate ang buwangan, klarosa Presidential Decree 449 nga gitugotan kini sa matag Dominggo o piyesta opisyal sa tibuok nasud o sa lugar.

Lakip sa gitugot sa balaod mao ang kalihukan sa pista sa usa ka siyudad nga di molapas sa tulo ka adlaw.

Hugot nga gidili panahon sa Rizal Day, National Heroes Day, Independence Day, Holy Thursday ug Holy Friday ug panahon sa election ug panahon sa registration ang buwang.

“Ano to yung PD 449 kasi, bawal yan eh. Dapat Sunday o special holiday mga ganun lang ang pag operate ng isang cockpit,” matod ni Lacostales.

Nabantayan sa kapulisan nga matag adlaw adunay sabong sa manok sa buwangan.

Tungod niini, ilang gilusad ang operation ug gipang-imbargo ang mga manok igtatari lakip na ang kwarta nga gisugal.

Wa usab masayod ang police official kon kinsa ang nanag-iya sa buwangan.

Apan gipasusi na niya ang permit nga naa sa buwangan aron matino kinsay tag-iya.

Naproblema ang CIDG 7 kagabii unsaon nila pagdala ang kapin sa 200 ka mga tawo nga naatlan nga nanugal.

Ubos sa PD 449, ang masakpan nga ilegal nga nanugal pahamtangan og prision correcional kun pagkabilanggo og unom ka buwan, usa ka adlaw ngadtosa unom ka tuig o pamultahon lang og di mominos P600.

Dugang ni Lacostales nga ang kapulisan hugot sa ilang kampanya batok sa illegal nga pasugalan nga maoy mando ni President Rodrigo Duterte. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph