Nagmotorsiklo nabangga, patay

PATAY ang usa ka motorista human nibangga ang gimanehong motorsiklo sa nadautan nga trailer truck niadtong Agusto 3 sa gabii sa tulay sa Agusan ning dakbayan sa Cagayan de Oro.

Naila ang biktima nga si Carl Manong, taga Villa Trinitas, Barangay Bugo kinsa nagmaneho sa itom nga yamaha aerox.

Giingong nakaparada sa highway nga bahin ang nadautan nga dakong sakyanan nga posibleng wala nakita ni Manong rason nga maayong pagkabangga niini.

Nadala pa sa balay tambalanan si Manong apan walay swerteng dead on arrival na kini.

Nakaangkon og mga bali, bun-og ug samad sa nagkadaiyang parte sa kalawasan ang biktima.

Ang maong insidente ang nakatala na sa buhatan sa kapulisan sa Police Station 6 (PS6) sa Puerto ug kasamtangang gi-imbestigahan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph