Mga pre-schoolers sa MisOr tudloan og earthquake drill

BOUT sa buhatan sa Provincial Risk Reduction Management Department (PDRRMD) nga sayo pa lamang daan imatuto na ngadto sa mga gagmayng bata dinhi sa probinsya sa Misamis Oriental ang pagpangandam.

Mismong si Governor Bambi Emano naghatag kamandoan sa buhatan nga lakipon ang mga pre-schooler sa lalawigan nga tudloan unsaon pagpangandam batok sa mga kalamidad.

"I think nagsuroy naman mo sa mga munisipyo and I think suwayan ang highschool ug pre-school tan awon nato magpaubos ta kay para maapil sa ilang system hangtod nga when they grow up makatuon na sila. This are the things that we had to do kung dunay kalamidad dinhi sa atong probinsya," matud ni Emano kinsa niingon nga dili tiaw ang nahitabong linog sa Batanes nga nikalas ug pipila ka kinabuhi.

Taliwala paman unsa ka andam ang kagamhanan kung mahitabo na dili gyod malikayan nga magkalisod.

Gumikan niini nipasalig si PDRRMD Head Jun Dy nga ihatag kini ngadto sa mga pre-school nga mga bata aron sayo pa daan sila makatoun na unsaon pagprotekta sa ilang kaugalingon panahon sa kalamidad o labina kon adunay pagtay-og nga matigayon.

"Sama sa gisulti ni Gov Bambi nga paningkamotan usab nga mahatagan nato ug drills and seminar ang mga pre-school mga bata pa kay kung sayo pa sila magsugod sa pre-school level pa lang magsugod na sila og pagpangandam, it maybe a joke for them at first, kataw-anan lang sa permiro alang kanila but sooner or later ila nang masabtan tanan kung unsa ka importante, so nahimo na dayon nilang way of life nga kung mag shake kabalo sila pagdagan paubos dayon sa mga structures para luwas sila panahon sa linog," dugang ni Dy.