NAGTINGUHA ang Quota International of Metro Cebu (QIMS) nga hatagan og kadasig ang mga bata nga adunay espisyal nga panginahanglanon pinaagi sa paugnat sa kusog sa ilang pag-host sa 2019 SPED Olympics karong Agusto 17 sa Cebu City Sports Center.
Ang events nga kombatihan sa usa ka adlaw nga kompetisyon mao ang 100-meter run, 200m, 400m, 800m, 4x100m, 4x400m, shot put, running long jump, standing long jump, bocce ug goal ball.
Ang kompetisyon alang sa visually impaired (Open to 25-below), Intellectual Disability (15-Below ug 16-25 years old), Ortho/Leg Amputee (Open to 25-below) ug Goalball/Bucce (Open to 25-below).
Salmutan ang kompetisyon sa mga estudyante sa pampublikong mga tunghaan ug mosubay kini sa patakaran sa international standard.
Ang partisipanteng SPED centers mao ang Banawa Elementary School, Barrio Luz Elementary School, Cebu City Central School, Bulacao Community School, Don Vicente Rama Memorial Elementary School, Guadalupe Elementary School, Guba Elementary School, Labangon Elementary School, Lahug Elementary School, Pardo Elementary School, San Nicolas Elementary School, Talamban Elementary ug Zapatera National High School.
Ang training program sa mga estudyante dumalaon sa bantugang running coach coach John Philip Dueñas ug Olympian Mary Joy Tabal. (RSC, ESL)