MAKATAGBAW nga panagsangka ang idalit sa NBA sa adlaw sa Pasko sa dihang mga nag-unang teams nga nakahimo og dagkong kasikas sa niaging summer maoy mag-engkuwentro.
Giatngan sa kadaghanan mao ang panagparang sa Los Angeles Lakers nga gipangulohan nila ni LeBron James ug Anthony Davis batok sa Los Angeles Clippers nga nakabaton usab sa bag-ong panagparis nila ni Paul George ug Kawhi Leonard.
Niini usab nga adlaw, makigsangka ang Houston Rockets nga makabaton sa panag-ayuda og balik ni James Harden ug Russel Westbrook sa Golden State Warriors.
Sa Eastern Conference, ang Milwaukee Bucks ug ang Philadelphia Sixers n magsinukdanay sa ilang katakos. Mag-abot ang Boston Celtics ug defending champion Toronto Raptors.
Samtang ang New Orleans Pelicans mosakbang sa Denver Nuggets. (JBM)