Precious Lara in love kayo

BLOOMING kaayo karon ang kanhing Miss International nga si Precious Lara Quigaman.

Kini bisan pa man sa mga chismis bahin sa bag-ong lovelife karon.

Sa kasamtangan, na-link si Precious sa hunky actor nga si Marco Alcaraz.

Wala gi-deny ni Lara nga happy kaayo sila ni Marco ug kanunay gayud silang gauban. Gani, bisan ang chismis nga giaway siya sa manager sa aktor, wala lamang gayud gitagad ni Lara.

Gidugang sab ni Lara nga na-meet na niya ang family ni Marco ug si Marco sab, na-meet na ang iyang pamilya.

Apan bisan pa man nga daw nagkalawom na ang ilang relasyon, giklaro ni Lara nga hangtud diha lamang sa ang ilang pagtinagdanay ni Marco.

Gibutyag niyang di pa sila officially on sa hunky actor ug di pa gayud siya ready sa usa ka commitment.

Apan giangkon ni Lara nga si Marco gayud ang labing importanteng tawo sa iyang kinabuhi gawas sa iyang pamilya. Exclusively dating sab sila sa hunky actor.