MAS maayo pay makig-rematch si Manny Pacquiao ni Keith Thurman kay sa magpaabot siya ni Floyd Mayweather Jr.
Kini maoy tambag ni Leonard Ellerbe, ang advisor ni Mayweather ngadto sa Pacquiao.
Si Mayweather maoy co-promoter sa niaging away ni Pacquiao og Thurman nga gipahigayon didto sa MGM Grand sa Las Vegas, Nevada.
Nagtuo si Ellerbe nga aduna pay angay ipamatuod si Pacquiao batok ni Thurman kansang 29-0 nga record nabulingan sa dihang napukan kini sa fighting senator pinaagi sa split decision.
Pipila ka higayon mipadayag si Pacquiao sa iyang tinguha nga makigrematch ni Mayweather apan daw og sa dili na gyud interesado ang American legend kinsa wala makabaton og kapildihan sulod sa 50 ka away.
“I think they need to do the rematch. I think that is the fight to make,” matod ni Ellerbe sa interview sa BoxingScene.”Keith has a big heart, he fought his behind off but Manny Pacquiao prevailed and he showed you why he is a great fighter and why him and Floyd are the two best fighters of this era.”
Ang trainer ni Pacquiao nga si Freddie Roach gusto usab sa maong rematch.
“If I think it’s possible, Manny does want that fight,” ingon ni Roach sa ESPN Deportes. “Manny really wants the fight, that’s why social media interaction. (JBM)