GISUSPENSO sa FIBA ang usa ka Amerikanong lalaki nga basketbolista human nasuta sa drug test nga mabdos kini, taho sa Yahoo Sports.
Si DJ Cooper, 28, kinsa produkto sa Ohio State University, kinahanglang moagi og drug test aron makaduwa siya sa Bosnian Men’s National Basketball Team sa Europe isip usa ka naturalized player.
Apan ang gisumiter ni Cooper nga sampol sa ihi nasuta nga adunay hormone “gHC” nga timailhan sa usa ka mabdos.
Nasayran nga ang gisumiter ni Cooper nga sampol sa ihi dili iyaha apan sa iyang uyab nga babaye. Gumikan sa gubuhat ni Cooper, napahamtangan siya og duha ka mga tuig nga suspensyon. (ESL)