ANG Department of Health (DOH) nideklarar sa Martes, Agusto 6, sa national dengue epidemic taliwa sa pagsaka sa mga kaso.
Si Health Secretary Francisco Duque III nideklarar sa usa ka joint press conference sa Camp Aguinaldo sa Martes uban sa mga opisyal sa Department of National Defense (DND) ug Department of the Interior and Local Government (DILG).
Gikan sa Enero 1 hangtod sa Hulyo 20, 2019, matod ni Duque nga duna nay kinatibuk-ang 146,062 ka mga kaso sa dengue, lakip na sa 622 nga nangamatay.
Hapit kini modoble sa mga kaso nga natala sa samang mga buwan sa 2018.
Matod sa DOH nga ang Western Visayas maoy nag-una sa listahan diin natala ang 23,330 ka mga kaso ug gisundan sa Calabarzon (Cavite, Laguna, Batangas, Rizal and Quezon) nga dunay 16,515 ka mga kaso, Zamboanga Peninsula nga dunay 12,317, Northern Mindanao nga dunay 11,455 ka mga kaso ug Soccsksargen nga dunay 11,083.
“It is important that a national epidemic be declared in these areas to identify where a localized response is needed and to enable the local government units to use their quick response fund to address the epidemic situation,” matod ni Duque.
Si Defense Secretary Delfin Lorenzana, kinsa nangu sa National Disaster Risk Reduction and Management Council (NDRRMC), niingon nga niluwat na siya og memorandum order nga nag-awhag sa tanang NDRRMC member agencies sa pagsuporta sa national dengue epidemic response aron pagwagtang sa viral disease.
“Hindi pa tayo mag-declare ng state of calamity, kasi hindi naman nationwide pare-pareho may mga areas na marami ang recorded cases may area na maliliit. Ngayon it is up to the provinces to declare state of calamity katulad ng Iloilo Province and Iloilo City, (which are) most affected, and Cavite also,” siya niingon.
Sa sayo pa ang kagamhanan niisa sa national dengue alert. Sa samang semana, kapin na sa 10,000 ka mga kaso sa dengue ang natala sa tibuok nasod.
Base sa data nga gipagawas sa DOH, mokabat sa 10,502 ka mga kaso sa dengue ang kinatibuk-ang natal gikan sa Hulyo 14 ngadto sa 20. Moabot sa 39 ka mga pasyente ang nangamatay.
“This is 71 percent higher compared to the same period in 2018 with 6,128,” matod sa pamahayag sa DOH.
Ang DOH nideklarar og national dengue alert niadtong Hulyo 15 tungod sa kusog nga pagsaka sa gidaghanon sa mga kaso nga naobserbahan sa daghang mga rehiyon.
Ang Western Visayas maoy dunay labing taas diin sa semana nitala kini og 2,990; gisundan sa Calabarzon nga dunay 1,598; Eastern Visayas nga dunay 1,058; ug Northern Mindanao nga dunay 1,056.
Kining mao nga mga rehiyon ninglapas sa ilang naandang gidaghanon, matod sa DOH.
Gisubli pagpahibawo ni Duque ang upat ka tips batok sa dengue nga mao ang search and destroy sa mga itluganan s alamok, magsul-ob proteksyon, magpahiling gilayon ug selective fogging. (SunStar Philippines)