ANG Southwestern University (SWU) Cobras, nga mipildi sa University of the Visayas (UV) Green Lancers, 74-65, sa Cebu Schools Athletic Foundation Inc. (Cesafi) Partners Cup 2019 title, Dominggo, Agosto 4, ang maikagong moduwa sa 34th Kadayawan Sports Festival Commercial Invitational Basketball Tournament karong Agosto 11 ngadto 14 sa Almendras Gym Davao City Recreation Center.
Si SWU Cobras head coach Mike Reyes, sa phone interview sa SunStar Davao, nagkanayon nga unang beses nila kining moduwa sa Davao.
Suma niya nga nagka-interes ang iyang tim nga moapil sa liga nga giorganisa sa Samahang Basketbol ng Pilipinas (SBP)-Davao regional director ug Presidential Assistant for Sports Glenn Escandor, tungod mga Manila teams sama sa De La Salle University (DLSU) Green Archers ug National Uinversity (NU) Bulldogs ang misalmot.
Dugang niya nga dakong pagtulun-an kini nga makaharong nila ang duha ka UAAP squads.
Ang UV maoy ikaupat nga tim nga moapil sa kompetisyon nga gipresenta sa Davao City Government pinaagi sa Sports Development Division sa City Mayor’s Office (SDD-CMO) ug gisuportahan sa The Royal Mandaya Hotel ug Matina Enclaves.
Ni Reyes sa posibilidad nga makuha sa Cobra’s ang titulo, “We may not have an edge versus them because they are really strong teams. We will just do what we usually do and play as a team. The only way to play against the strong teams is to play together in all aspects of the game, share the ball alot and do defense.”
May ihatag nga cash prizes ug tropeyo ngadto sa mananaug sa round robin format.
Ang kampeyon mopauli og P100,000.
Sunod nga tulo ka mananaug modawat og P60,000, P40,000 ug P30,000.
Ang best coach ug most valuable player (MVP) modawat sab og tag-P5,000.
Libre ang paglantaw sa torneyo.