PATAY na nga napalgan ang usa ka Japanese national sud sa kuwarta human kini naghikog gamit ang tualya ala 1:30 p.m. niadtong Lunes, Agosto 5, sa Executive Homes, Toril, Davao City.
Ang Toril Police Station nag-ila sa biktima nga si Yuta Arakawa, 36-anyos, kinsa nagbitay na nga naabtan sa iyang mga ginikanan sud sa ilang kuwarto.
Una niini, giagda pa ang biktima sa ginikanan nga molakaw sa mall aron ubanan sila nga mag-grocery, apan mibalibad ang biktima.
Namulong pa ang biktima ngadto kanila nga wala nay pulos ang iyang kinabuhi ug puwede siya mamatay sa bisan unsang oras.
Dihang nadungog kini sa ginikanan, mialam-alaman ang biktima ug gipasabot sa kamahinungdanon sa kinabuhi sa tawo.
Apan dihang pagbalik sa ginikanan sa ilang pag-grocery, nagbitay na ang biktima hinungdan nga dali silang nakapanawag og ambulansya sa Central 911.
Narekober sab sud sa kuwarto ang usa ka suicide note sa pinulongang Hapon apan nahubad na kini sa English nagkanayon, “I’m sorry, I make you trouble until today thank you very much.”
Ang patay nga lawas sa biktima gihaya na sa iyang pamilya ning kasamtangan. (Jeepy P. Compio)